Пасол РФ: беларусы змогуць вярнуцца дадому з Масквы рэйсамі "Белавія"

© Sputnik / Виктор ТолочкоПасол Расіі ў Беларусі Дзмітрый Мезенцаў
Пасол Расіі ў Беларусі Дзмітрый Мезенцаў - Sputnik Беларусь
Падпісацца
Спецыяльныя рэйсы беларускага авіяперавозчыка будуць узгадняцца расійскім бокам без абмежаванняў.

МІНСК, 20 сак - Sputnik. Усе заяўкі беларускага авіяперавозчыка "Белавія" на выкананне нерэгулярных рэйсаў у аэрапорты Масквы будуць падтрыманы расійскім бокам, паведаміў пасол Расіі Дзмітрый Мезенцаў.

Пасажыры на эскалатары - Sputnik Беларусь
МЗС: беларусы, якія зараз едуць за мяжу, робяць гэта на свой страх і рызыку

Раней расійскія ўлады з-за распаўсюджвання ў свеце эпідэміі каронавіруса з 18 сакавіка па 1 мая абмежавалі ўезд на сваю тэрыторыю для іншаземцаў і асоб без грамадзянства, у тым ліку гэта рашэнне закранула і беларусаў.

"З 20 сакавіка грамадзяне Беларусі, якія прыбываюць расійскімі бартамі ў маскоўскія аэрапорты, змогуць вярнуцца дадому з той паветранай гавані, куды прыляцелі, скарыстаўшыся спецыяльнымі рэйсамі "Белавія", - прыводзіць словы дыпламата сайт пасла Расіі.

Дадзенае рашэнне прынята расійскім Федэральным агенцтвам паветранага транспарту. Заяўкі беларускага авіяперавозчыка на выкананне нерэгулярных рэйсаў у маскоўскія аэрапорты будуць узгадняцца без абмежаванняў.
Дзмітрый Мезенцаў растлумачыў, што ў гэтым выпадку "грамадзяне рэспублікі, якія прыляцелі з-за мяжы, не толькі ва "Унукава", без затрымак могуць вылецець у Мінск".

Беларускія грамадзяне, якія вяртаюцца дадому з-за мяжы праз Маскву, павінны праходзіць транзітам без размяшчэння на каранцін толькі праз пункты пропуску аднаго і таго ж аэрапорта.

Па гэтай прычыне часам складалася сітуацыя, што не ўсе беларусы прадугледжвалі свой прылёт у расійскую сталіцу і вылет у Мінск з аднаго тэрмінала. Пераезд у іншы аэрапорт мог падвергнуць іх рызыцы непажаданых кантактаў з людзьмі, якія прыбылі з краін з небяспечнай эпідэміялагічнай сітуацыяй. Гэта ў сваю чаргу магло прывесці да парушэння патрабаванняў транзітнага рэжыму, абавязковага для замежных грамадзян.

Па словах кіраўніка расійскай дыпламатычнай місіі, цяпер "бакамі выхад знойдзены".

Вымушаны крок

Пры гэтым Дзмітрый Мезенецаў падкрэсліў, што абмежаванні на ўезд замежных грамадзян у Расію носяць выключна часовы характар.

Супрацоўніца хуткай дапамогі ў Мінску - Sputnik Беларусь
Колькасць хворых на каронавірус у Беларусі дасягнула 69 чалавек

"Гэта, безумоўна, вымушаны крок, адказ на рашэнне Сусветнай арганізацыі аховы здароўя, якая прызнала сітуацыю з маштабным распаўсюджваннем каронавіруса пандэміяй. Нацыянальныя ўрады абавязаны зрабіць усё магчымае, каб забяспечыць эфектыўнае процідзеянне COVID-19, абараняючы здароўе і забяспечваючы бяспеку грамадзян. Менавіта так дзейнічае ўрад Расіі", - сказаў ён.

На яго думку, усе абмежавальныя меры прыняты на карысць. "Яны закліканы забяспечыць абарону ад эпідэміі мільёнаў людзей - расіян, грамадзян Беларусі, іншых краін СНД, гасцей з-за мяжы. Пасольства Расіі за мяжой аказваюць неабходную падтрымку таксама і беларускім грамадзянам, якія, як і расіяне, апынуліся ў гэтыя дні далёка ад дома - на тэрыторыі шэрагу азіяцкіх і еўрапейскіх краін".

Узгодненыя дзеянні

Дзмітрый Мезенцаў запэўніў, што расійскі бок самым уважлівым чынам ставіцца да сітуацый, у якіх аказваюцца беларусы.

Embraer E-195  - Sputnik Беларусь
"Белавія" часова спыняе палёты ў Грузію

"Пры актыўнай уцягнутасці расійскіх дыпмісій у Мінску і Бангкоку было аказана садзейнічанне вяртанню беларусаў у Маскву з Тайланда, куды яны трапілі не па сваёй волі, накіроўваючыся ў В'етнам. Авіяцыйныя ўлады гэтай краіны адмовілі ў прыёме самалёта з-за каронавіруса", - адзначыў расійскі дыпламат.

Пасля чаго дадаў, што гэта "адзін са шматлікіх прыкладаў ўважлівага стаўлення да просьбаў калег. У той жа час мы бачым і цэнім партнёрскае ўзаемадзеянне, знаходзім водгук з боку беларускіх партнёраў і іх гатоўнасць ў такі складаны час дапамагчы грамадзянам Расіі вярнуцца дадому".

Пасол РФ упэўнены, што "наша ўзаемадзеянне пацвярджае, што, нягледзячы часам на складанасці і перашкоды ў дыялогу, мы разам абавязаны ўмацоўваць наша канструктыўнае супрацоўніцтва".

У Расіі вымушаныя прыняць меры з-за распаўсюджвання каронавіруса і абмежаванні павінны выконваць і замежнікі, якія знаходзяцца ў Расіі.

"Зразумела, што часам гэта прыносіць людзям пэўныя нязручнасці, але аб'ектыўна прадыктавана эпідэміялагічнай сітуацыяй, абавязацельствамі па абароне грамадзян ад COVID-19", - звярнуў увагу Дзмітрый Мезенцаў.

"Перакананы, што расіяне і беларусы зноў пакажуць гатоўнасць і ўменне чуць і падтрымліваць адзін аднаго, ўлічваць узаемныя інтарэсы", - рэзюмаваў дыпламат.

Стужка навiн
0