ЦТ і ўступную кампанію пераносіць не будуць

© Sputnik / Виктор ТолочкоЦТ у Мінску
ЦТ у Мінску - Sputnik Беларусь
Падпісацца
Як падкрэсліў прадстаўнік міністэрства адукацыі, ведамства ў гэтых пытаннях дзейнічае паслядоўна, узважваючы кожны крок.

МІНСК, 25 сак - Sputnik. Рашэнне аб пераносе цэнтралізаванага тэсціравання (ЦТ) і уступнай кампаніі пакуль не прымалася, заявіў у сераду начальнік упраўлення прафадукацыі Мінадукацыі Сяргей Каспяровіч.

Школьнікі на ўроку, архіўнае фота - Sputnik Беларусь
Мінадукацыі: увядзенне каранціна лічым немэтазгодным

На фоне распаўсюджвання каронавіруса COVID-19 у Беларусі адмяняюцца або пераносяцца некаторыя масавыя мерапрыемствы. У тым ліку на позні тэрмін перанеслі і заключны этап алімпіяды школьнікаў. У абітурыентаў паўстала пытанне і аб уступнай кампаніі.

Адказваючы на зададзенае на брыфінгу пытанне, Каспяровіч адзначыў, што міністэрства адукацыі паступае паслядоўна і узважваючы кожны крок.

"Калі казаць пра этап, які папярэднічае ЦТ - РТ, ужо прынята рашэнне аб пераносе асноўных этапаў пераважна на май", - сказаў ён.

Як нагадаў Каспяровіч, рэгістрацыя на ЦТ пройдзе ў мая, само тэсуіраванне - у чэрвені, а прыёмная кампанія ў ліпені.

"Мы рашэнне будзем прымаць паслядоўна. На сёння рашэнняў аб пераносе ЦТ і прыёмнай кампаніі не прымалася", - дадаў ён.

Раней у Мінадукацыі заяўлялі пра адсутнасць мэтазгоднасці ва ўвядзенні каранціна ва ўстановах адукацыі.

Стужка навiн
0