00:18 25 верасня 2020
«Радыё Sputnik»
  • USD2.60
  • EUR3.04
  • 100 RUB3.38
Грамадства
Атрымаць кароткую спасылку
Каронавірус COVID-19 (789)
1810

Эксперты перакананыя, што занадта хуткая адмова ад каранцінных мер можа прывесці "да аднаўлення смяротнай пагрозы".

МІНСК, 14 кра - Sputnik. Умовы зняцця абмежавальных мер, уведзеных у краінах з-за пандэміі каронавіруса, агучыў падчас прэс-канферэнцыі кіраўнік Сусветнай арганізацыі аховы здароўя (СААЗ) Тедрас Адханом Гебрэесус.

"Меры кантролю могуць быць знятыя толькі ў тым выпадку, калі будуць уведзеныя неабходныя меры ў галіне грамадскай аховы здароўя, у тым ліку, магчымасці па адсочванні кантактаў", - заявіў Гебрэесус.

На думку кіраўніка СААЗ, краінам неабходна пераканацца ў выкананні шэрагу мер перад тым, як здымаць абмежаванні. Так перадача віруса павінна знаходзіцца пад строгім кантролем: гаворка ідзе пра магчымасць сістэмы аховы здароўя "выяўляць, тэставаць і ізаляваць кожны асобны выпадак COVID-19 і яго кантакты". Не менш важна мінімізаваць рызыку ўспышкі каронавіруса ў медыцынскіх установах.

Таксама, перакананы кіраўнік СААЗ, павінны быць уведзеныя прэвентыўныя меры на працоўных месцах, у школах і іншых месцах грамадскага карыстання. Акрамя таго, трэба прадухіліць магчымасць завозу новых выпадкаў віруса ў дзяржавы.

"Мы ведаем, што COVID-19 распаўсюджваецца хутка і што ён у 10 разоў больш смяротны, чым вірус грыпу, пандэмія якога было ў 2009 годзе (...). Ён распаўсюджваецца значна хутчэй, чым запавольваецца: гэта азначае, што абмежавальныя меры павінны здымацца паступова і падкантрольна", - лічыць Гебрэесус.

Тыднем раней СААЗ канстатавала зніжэнне хуткасці распаўсюджвання віруса ў Еўропе: у прыватнасці, у такіх найбольш пацярпелых краінах, як Іспанія, Італія і Германія. Аднак каментуючы планы па зняцці абмежаванняў у некаторых дзяржавах, эксперты падкрэслівалі: занадта хуткая адмова ад каранцінных мер можа прывесці "да аднаўлення смяротнай пагрозы".

Тэмы:
Каронавірус COVID-19 (789)
Тэги:
каронавірус, СААЗ

Галоўныя тэмы