МІНСК, 30 кра - Sputnik. Для беларускіх абітурыентаў завяршаецца тэрмін падачы дакументаў для паступлення ў расійскія ВНУ па квотах, паведаміла Sputnik спецыяліст аддзела адукацыі прадстаўніцтва Рассупрацоўніцтва ў Беларусі Наталля Іпацьева.
Нягледзячы на пандэмію каронавіруса, гэты этап адборачнай кампаніі 2020/2021 навучальнага года прайшоў без зменаў. Апошні дзень для падачы дакументаў - 30 красавіка.
Куды паступаць?
Для беларускіх абітурыентаў у гэтым годзе выдзелена 230 квот на навучанне ў Расійскай Федэрацыі за кошт бюджэтных асігнаванняў федэральнага бюджэту.
У прыёмнай кампаніі ўдзельнічаюць такія ВНУ, як ВГІК, ГІТІС, СПБГУ, Фінансавы універсітэт, РУДН, ВГІФК і іншыя. Падрабязны спіс навучальных устаноў прыводзіцца на сайце Расійскага цэнтра навукі і культуры ў Мінску.
Згодна з планам прыёму, 178 месцаў дэталізаваны па спецыяльнасцях і ўзроўнях адукацыі. Астатнія 52 месцы дазваляюць паступіць на любы ўзровень падрыхтоўкі (бакалаўрыят, спэцыяліста, магістратура і г.д.) і любы кірунак.
Як гэта адбываецца?
Прыём кандыдатаў на навучанне ажыццяўляецца на конкурснай аснове ў два этапы. Першы праводзіць рабочая група прадстаўніцтва Рассупрацоўніцтва ў Беларусі. Другі этап курыруе Міністэрства адукацыі і навукі Расіі сумесна з расійскімі ВНУ.
Беларускі абітурыент павінен зарэгістравацца на афіцыйным сайце для адбору замежных грамадзян на навучанне ў Расіі і пакінуць там заяўку. Далей праходзіць конкурсны адбор. Здаваць АДЭ абітурыенту не патрабуецца.
Як распавялі Sputnik у Рассупрацоўніцтве, рашэнне аб пераносе тэрмінаў паступлення ў ВНУ з-за пандэміі каронавіруса пакуль не прынята. Інфармацыя па гэтым пытанні будзе апублікаваная на сайце Міністэрства вышэйшай адукацыі і навукі РФ.
