Мінздароўя ўстанавіла парадак змянення тэрмінаў знаходжання у самаізаляцыі

© Sputnik / Владимир Астапкович / Перайсці ў медыябанкМалады чалавек на балконе шматкватэрнага дома
Малады чалавек на балконе шматкватэрнага дома - Sputnik Беларусь
Падпісацца
Час знаходжання ў самаізаляцыі можа быць падоўжаны, сярод іншага, калі ў кантакта першага ўзроўню тэст на каронавірус аказваецца станоўчым.

МІНСК, 13 мая - Sрutnik. Знаходжанне грамадзян у самаізаляцыі можа быць падоўжана ў шэрагу выпадкаў. Парадак змянення тэрмінаў - павелічэння або скарачэння - знаходжання ў рэжыме самаізаляцыі вызначаны пастановай Міністэрства аховы здароўя ад 8 мая 2020 года, інфармацыя аб дакуменце апублікаваная на Нацыянальным прававым інтэрнэт-партале.

Маладыя людзі шпацыруюць па Растоўскай набярэжнай у Маскве - Sputnik Беларусь
Каранцінны рэжым з-за каронавіруса не сталі падаўжаць ў Расіі

У прыватнасці, тэрміны знаходжання ў самаізаляцыі могуць быць павялічаны, калі тэст на каронавірус грамадзяніна, які з'яўляецца кантактам першага ўзроўню з заражаным COVID-19, апынецца станоўчым, альбо калі да заканчэння ўстаноўленага тэрміну вынік тэста яшчэ не будзе гатовы. Падоўжаць тэрмін самаізаляцыі і заражанага COVID-19, калі яго паўторны тэст апынецца станоўчым.

Са з'яўленнем падстаў для падаўжэння тэрміну самаізаляцыі, медустанова, якая назірае за гэтай катэгорыяй грамадзян, павінна будзе ўручыць новае патрабаванне з абноўленымі тэрмінамі самаізаляцыі.

Каму могуць скараціць самаізаляцыю

На скарачэнне тэрмінаў знаходжання ў самаізаляцыі могуць разлічваць асобы, якiя прыбылi ў Беларусь з краін, у якіх рэгіструюцца выпадкі COVID-19, калі яны маюць намер атрымаць спецыялізаваную, у тым ліку высокатэхналагічную медыцынскую дапамогу ў беларускіх клініках, альбо калі яны прыбылі ў краіну на працу па дамове з беларускім суб'ектам гаспадарання. У гэтых выпадках таму, хто прыбыў, трэба будзе мець адмоўны вынік лабараторнага даследавання на каронавірус, зроблены не пазней з вдое сутак да даты ўезду ў Беларусь. Гэты вынік трэба будзе прадставіць у беларускую ўстанову аховы здароўя.

Ярмошына аб каронавірусе: як жыла, так і жыву ў самаізаляцыі - Sputnik Беларусь
Відэа
Ярмошына аб каронавірусе: як жыла, так і жыву ў самаізаляцыі

"Што тычыцца хадайніцтва аб скарачэнні тэрмінаў самаізаляцыі замежных спецыялістаў, то яно накіроўваецца ў тэрытарыяльную арганізацыю аховы здароўя кампаніяй-рэзідэнтам не пазней, чым за пяць рабочых дзён да іх прыбыцця. Рашэнне аб скарачэнні тэрмінаў знаходжання ў самаізаляцыі прымаецца на працягу чатырох працоўных дзён пасля атрымання хадайніцтва па ўзгадненні з тэрытарыяльнымі органамі і ўстановамі, якія ажыццяўляюць дзяржаўны санітарны нагляд", - гаворыцца ў паведамленні.

Па месцы часовага знаходжання замежных спецыялістаў праводзяцца неабходныя санітарна-супрацьэпідэмічныя мерапрыемствы, і калі ў чалавека ёсць пацверджанне, што каронавіруса ў яго няма (вынік тэсту, зроблены на працягу апошніх двух дзён), то наведванне супрацоўнікаў міліцыі і эпідэміёлагаў, якія кантралююць выкананне рэжыму самаізаляцыі, спыняецца.
Пастанова ўступае ў сілу пасля афіцыйнага апублікавання.

Стужка навiн
0