10:31 15 жніўня 2020
«Радыё Sputnik»
  • USD2.46
  • EUR2.90
  • 100 RUB3.36
Грамадства
Атрымаць кароткую спасылку
Каронавірус COVID-19 (722)
1310

Вярхоўны камісар ААН упэўненая, што шэраг краін падрывае намаганні па прадухіленні распаўсюджвання інфекцыі і ўмацаванню сістэм аховы здароўя і гэта можа прывесці да росту захворвання COVID-19.

МІНСК, 2 ліп - Sputnik. Улады Беларусі, ЗША і шэрагу іншых краін, прыніжаць сур'ёзнасць COVID-19, падрываюць намаганні па барацьбе з каронавірусам, заявіла Вярхоўны камісар ААН Мішэль Бачэлет.

Вярхоўны камісар ААН напярэдадні прадставіла штогадовую справаздачу Савету па правах чалавека.

Па словах Бачэлет, пандэмія каронавіруса не толькі выявіла няроўнасць, але і пагоршыла сітуацыю з правамі чалавека ў многіх краінах.

Як мяркуе Вярхоўны камісар ААН, у адказ на ўсе складанасці, звязаныя з пандэміяй, неабходна, перш за ўсё, паклапаціцца пра здароўе і сацыяльнае становішча насельніцтва, а меры, што прымаюцца, павінны абапірацца на прынцыпы абароны правоў чалавека. Бачэлет адзначыла, што краіны павінны распрацоўваць сферу сацыяльнай абароны, кіруючыся навуковымі дадзенымі і пры гэтым звяртаючы ўвагу на праблемы уразлівых слаёў грамадства.
Вялікую ўвагу Бачэлет надала таму, як пандэмія ўзмацніла дыскрымінацыю. Добрым прыкладам яна назвала Паўднёвую Карэю, дзе дапамога аказваецца ўсім. А вось у пералік краін, дзе не ўсё добра, трапіла і Беларусь.

"У якасці негатыўнага прыкладу Вярхоўны камісар прывяла сітуацыю ў Беларусі, Бразіліі, Бурундзі, Танзаніі і Злучаных Штатах. У гэтых і шэрагу іншых краін, па словах Бачэлет, часта гучалі заявы, "якія прыніжаць сур'ёзнасць пандэміі і спрыяюць палярызацыі грамадскай думкі ў ключавых пытаннях", - распавялі ў прэс-службе ААН.

На яе думку, падобныя крокі падрываюць намаганні па прадухіленні распаўсюджвання інфекцыі і ўмацаванню сістэм аховы здароўя і могуць прывесці да росту захворвання COVID-19.

Нагадаем, у Беларусі на сёння зарэгістравана 62424 выпадкі каронавіруса. Калі лічыць колькасць выпадкаў на мільён насельніцтва, то рэспубліка - адзін з лідараў у Еўропе. Пры гэтым колькасць смерцяў, пра якія паведамляе Міністэрства аховы здароўя, вельмі нізкая: усяго 398, гэта значыць 42 на мільён насельніцтва. Для параўнання, у Германіі гэты паказчык складае 108, у Нідэрландах - 357, а ў Вялікабрытаніі - 644.

Беларусь і Швецыя апынуліся адзінымі краінамі Еўропы, якія з-за пандэміі каонавіруса не абвесьцілі каранцін і не ўводзілі сур'ёзных абмежавальных мер. Пры гэтым і ў Мінску, і ў Стакгольме запэўніваюць аб правільнасці абранай стратэгіі.

Тэмы:
Каронавірус COVID-19 (722)
Тэги:
каронавірус, Беларусь, ААН

Галоўныя тэмы