Беларусь не ўключылі ў спіс краін, грамадзян якіх пачнуць пускаць у ЕС

© REUTERS / YVES HERMANСцягі Еўрасаюза
Сцягі Еўрасаюза - Sputnik Беларусь
Падпісацца
У дадзены момант наша краіна ўсё яшчэ не адпавядае эпідэміялагічным патрабаванням Еўрасаюза, звязаным з распаўсюджваннем каронавіруса.

МІНСК, 31 ліп - Sputnik. Беларусь не ўвайшла ў абноўлены спіс краін, з грамадзян якіх Еўрасаюз гатовы зняць абмежаванні на ўезд, нягледзячы на пандэмію каронавіруса, паведамілі ў прэс-службе Еўрапейскага савета.

Намеснік міністра аховы здароўя Беларусі Алена Богдан - Sputnik Беларусь
Мінздароўя распавяло, калі чакаецца другая хваля каронавіруса

У рэкамендацыях пазначаны канкрэтныя крытэрыі, якія павінны быць выкананы для зняцця абмежаванняў. У прыватнасці, колькасць зноў заражаных COVID-19 у краіне за апошнія 14 дзён на 100 тысяч насельніцтва не павінна перавышаць сярэдні паказчык у ЕС. Таксама ўлічваецца стабільны трэнд на зніжэнне колькасці хворых у параўнанні з папярэднімі двума тыднямі. У дадзены момант сітуацыя ў Беларусі не ўпісваецца ў патрабаванні, таму грамадзян нашай краіны ў Еўрасаюз без асаблівых падстаў па-ранейшаму пускаць не будуць.

Еўрапейскі савет рэкамендуе краінам ЕС паступова зняць абмежаванні з Аўстраліі, Канады, Грузіі, Японіі, Марока, Новай Зеландыі, Руанды, Паўднёвай Карэі, Тайланда, Туніс, Уругвая і Кітая. Пры гэтым кожная краіна Еўрасаюза самастойна будзе вырашаць, гатовая яна да гэтага ці не.

Перш, чым пашырыць пералік краін, з якіх здымаюцца абмежаванні, ЕС ацэньвае, як у краінах праводзіцца тэсціраванне, назіранне, выяўленне кантактаў, ізаляцыя заражаных, лячэнне і збор інфармацыі, яе праўдзівасць, сярэднія паказчыкі міжнародных медыка-санітарных нормаў.

Па дадзеных беларускага Міністэрства аховы здароўя на чацвер, колькасць выяўленых выпадкаў каронавіруса дасягнула 67 665, за апошнія суткі было інфікавана 147 чалавек. За ўвесь перыяд панедмии памерла 553 пацыента з шэрагам хранічных захворванняў з выяўленай каронавіруснай інфекцыяй.

Стужка навiн
0