11:53 26 верасня 2020
«Радыё Sputnik»
  • USD2.60
  • EUR3.03
  • 100 RUB3.38
Грамадства
Атрымаць кароткую спасылку
Каронавірус COVID-19 (791)
17 0 0

У ведамстве лічаць, што краіна паспяхова спраўляецца з наступствамі каронавіруса, аднак палітычны канфлікт можа адмоўна адбіцца на працы сістэмы аховы здароўя рэспублікі.

МІНСК, 13 вер - Sputnik. Сістэма аховы здароўя Беларусі годна спраўляецца з прафілактыкай пандэміі, і перыяд сур'ёзнай пагрозы амаль мінуў, пра гэта заявіў выконваючы абавязкі міністра аховы здароўя рэспублікі Дзмітрый Піневіч.

"Мы годна прайшлі гэты этап, з агульнай перамогай, з мабілізацыяй рэсурсаў унутры сістэмы і з боку дзяржавы ў цэлым", - сказаў Піневіч у інтэрв'ю профільнаму выданню "Медвеснік".

Паводле яго слоў, лекары і адказныя асобы правялі працу над памылкамі, прааналізаваўшы мінулыя месяцы барацьбы з каронавірусам.

Не абышоў кіраўнік Міністэрства аховы здароўя і бягучыя палітычныя падзеі ў Беларусі. На яго думку, "спробы падвергнуць рэвізіі цяперашнюю сацыяльна-палітычную мадэль дзяржавы" могуць негатыўна адбіцца на працы сістэмы аховы здароўя, у прыватнасці - прывесці да страты міжнародных кантактаў і абмену інфармацыяй з замежнымі калегамі, а таксама зніжэння інвестыцый у фармацэўтычную прамысловасць.

Па стане на 12 верасня, у Беларусі было зарэгістравана амаль 74 тысячы чалавек з станоўчым тэстам на COVID-19, за ўвесь перыяд пандэміі памерла 744 пацыенце.

Аб небяспецы каронавіруса не забываюць і ўлады, асабліва на фоне пагрозы другой хвалі пандэміі. У канцы ліпеня намеснік міністра аховы здароўя Беларусі Алена Богдан прагназавала, што другая хваля каронавіруснай інфекцыі можа пачацца ў рэспубліцы ў лістападзе-снежні бягучага года.

Нагадаем, што Піневіч быў прызначаны выконваючым абавязкі кіраўніка ведамства ў канцы жніўня. Кіраўнік дзяржавы Аляксандр Лукашэнка пры гэтым заявіў, што вірус нікуды не дзеўся, і звязаў эпідэміялагічную сітуацыю з пратэстамі ў краіне.

Тэмы:
Каронавірус COVID-19 (791)

Галоўныя тэмы