08:56 20 кастрычніка 2020
«Радыё Sputnik»
  • USD2.57
  • EUR3.01
  • 100 RUB3.30
Грамадства
Атрымаць кароткую спасылку
Каронавірус COVID-19 (825)
510

За апошнія дні многім беларусам на электронную пошту прыйшлі лісты пра тое, што іх адабралі ў групу для тэсціравання расійскай вакцыны ад каронавіруса "Спутник V".

МІНСК, 13 кас - Sputnik. Міністэрства аховы здароўя абвяргае рассылку лістоў беларусам з нагоды прымусовага ўдзелу ў клінічным даследаванні расійскай вакцыны ад каронавіруса, пра гэта заявілі ў прэс-службе ведамства.

Там распавялі, што ў апошнія дні многім беларусам прыйшлі лісты з адрасу электроннай пошты info.belcmt.by@mail.ru ад імя міністэрства аховы здароўя аб удзеле ў клінічных выпрабаваннях вакцыны "Спутник V". Пры гэтым само міністэрства не рабіла ніякіх рассыланняў.

"Названыя паведамленні зыходзяць ад махляроў. Афіцыйна паведамляем, што супрацоўнікі Міністэрства аховы здароўя і падведамных арганiзацый не ажыццяўляюць рассылку названай інфармацыі. Таксама паведамляем, што Міністэрства аховы здароўя не з'яўляецца карыстальнікам гэтай скрыні", - падкрэслілі ў ведамстве.

Там нагадалі, што ўдзел у клінічных выпрабаваннях магчымы толькі на добраахвотнай аснове пасля правядзення маштабнага медыцынскага абследавання.

"Неабходна адзначыць, што ў Міністэрства аховы здароўя паступіла значная колькасць зваротаў грамадзян, якія выказалі жаданне прыняць удзел у клінічных выпрабаваннях. Перад удзелам у клінічных выпрабаваннях грамадзянін падпісвае інфармаваную згоду, і такія пытанні не вырашаюцца па электроннай пошце", - рэзюмавалі ў міністэрстве.

Першая ў свеце вакцына ад каронавіруса "Спутник V", распрацаваная ў расійскім НДЦ імя Гамалеі, была зарэгістраваная Міністэрствам аховы здароўя РФ у жніўні, выпрабаванні прайшлі ў чэрвені-ліпені на добраахвотніках ва ўзросце ад 18 да 60 гадоў. Прэпарат ужо выпушчаны ў грамадзянскі абарот.

У Беларусі клінічныя выпрабаванні расійскай вакцыны пачаліся 1 кастрычніка. Рэспубліка стала першай краінай, дзе стартавалі клінічныя даследаванні прэпарата пасля яго рэгістрацыі ў Расіі. У Міністэрстве аховы здароўя адзначылі, што беларускія медыкі правялі скрынінг добраахвотнікаў, якія будуць у ліку першых прышчэплены расійскай вакцынай ад каронавіруса. У даследаванні ўдзельнічаюць восем медустаноў.

Тэмы:
Каронавірус COVID-19 (825)
Тэги:
Беларусь, Міністэрства аховы здароўя Рэспублікі Беларусь, каронавірус

Галоўныя тэмы