У Беларусі адмянілі выставу СМІ, якую двойчы пераносілі

© Sputnik / Виктор ТолочкоМімы сустракалі наведвальнікаў на стэндах выставы "СМІ ў Беларусі"
Мімы сустракалі наведвальнікаў на стэндах выставы СМІ ў Беларусі - Sputnik Беларусь
Падпісацца
Мерапрыемства традыцыйна праходзіць у маі напярэдадні Дня друку, аднак у гэтым годзе з-за каронавіруса выставу спачатку перанеслі на 25-26 верасня, потым - на 4-5 снежня, а зараз канчаткова вырашылі не праводзіць.

МІНСК, 20 кас - Sputnik. XXIV Міжнародная спецыялізаваная выстава "СМІ ў Беларусі" адменена, паведамілі Sputnik у міністэрстве інфармацыі рэспублікі.

Выстава СМІ - Sputnik Беларусь
Відэа
Салдацкая каша і вельмі інтэлігентны робат: як адкрывалася выстава СМІ

"Сітуацыя аб'ектыўная. Наколькі маглі, настолькі пераносілі выставу, але з улікам таго, што ў краіне пачалася другая хваля каронавіруса і межы зачыненыя, Міністэрства аховы здароўя парэкамендавала яе не праводзіць", - растлумачылі Sputnik у інфармацыйна-аналітычным ўпраўленні Мінінфарма.

Там адзначылі, што ў мерапрыемстве планавалі прыняць удзел прадстаўнікі сродкаў масавай інфармацыі з краін СНД і Кітая. Выставу традыцыйна намецілі на пачатак мая, потым яе перанеслі на 25-26 верасня, затым на 4-5 снежня - сумесна з 15-м Беларускім міжнародным медыяфоруме "Партнёрства ў імя будучыні: Перамога. Памяць. Мы".

"Хацелася правесці выставу СМІ і медыяфорум на годным узроўні, паколькі тэматыка вельмі значная - 75-годдзе Перамогі. Відэафармат - гэта, вядома, не тое. Магчыма, у наступным годзе праграма будзе скарэкціравана", - сказалі ў міністэрстве.

Стужка навiн
0