11:30 04 снежня 2020
«Радыё Sputnik»
  • USD2.59
  • EUR3.13
  • 100 RUB3.44
Грамадства
Атрымаць кароткую спасылку
18 0 0

Кіраўнік дзяржавы правёў сёння сустрэчу са старшынёй Федэрацыі прафсаюзаў Беларусі Міхаілам Ордам.

МІНСК, 10 ліс - Sputnik. Да канца года павінна быць вырашана пытанне стварэння прафсаюзных арганізацый на ўсіх прыватных прадпрыемствах, пра гэта заявіў сёння прэзідэнт Беларусі Аляксандр Лукашэнка.

"Мы з вамі дамаўляліся, што да канца гэтага года прафсаюзныя арганізацыі будуць створаны на ўсіх прыватных прадпрыемствах. Гэтае пытанне да канца года павінна быць вырашана", - прыводзіць словы прэзідэнта БелТА.

Паводле слоў Лукашэнкі, пытанне членства ў прафсаюзе добраахвотнае, але "ў кожнай кампаніі, прыватнай і дзяржаўнай, павінна быць прафсаюзная арганізацыя".

Ён адзначыў, што ўсе павінны разумець пазіцыю дзяржавы.

"Так, як мы дамаўляліся, і так, як вы вырашылі. Я пра гэта сказаў на з'ездзе прафсаюзаў. Таму павінна быць гэта рэалізавана. Усе павінны разумець дзяржаўную пазіцыю", - сказаў прэзідэнт.

Ён дадаў, што калі да канца года прыватныя прадпрыемствы не створаць прафсаюзныя арганізацыі, яны будуць ліквідаваныя.

"Жартаваць мы не будзем больш. Мы бачым, як некаторыя сябе павялі і ўзялі курс па знішчэнні дзяржавы і дзяржаўнасці ў нашай краіне", - заявіў Лукашэнка і паабяцаў разабрацца "па асобных напрамках".

"Але прафсаюзныя арганізацыі павінны быць створаны. І вы ад гэтага адступаць ні ў якім разе не павінны", - падкрэсліў прэзідэнт.

Лукашэнка і прафсаюзы

Прэзідэнт сказаў, што сам у свой час кіраваў першаснай прафсаюзнай арганізацыяй, таму добра знаёмы з адпаведнай спецыфікай. Паводле яго слоў, прафсаюзы заўсёды знаходзяцца "паміж молатам і кавадлам".

"З аднаго боку рабацягі, інтарэсы і правы якіх прафсаюзы абараняюць, з другога - інтарэсы кіраўніцтва прадпрыемства. І тады я асабліва ярка адчуў, што такое прафсаюзы і прафсаюзны рух. Ніколі ім не было проста, ніколі!" - сказаў Лукашэнка.
На яго думку, на краіну аказваецца ціск, а на прафсаюзы з-за іх жорсткай і пэўнай пазіцыі ажыццяўляецца накат.

"Таму трэба да гэтага спакойна ставіцца. Хтосьці сыдзе з прафсаюзаў. Мізэрная колькасць у параўнанні з той колькасцю, якая ў вас ёсць. Хтосьці захацеў выйсці - няхай выходзіць. Гэта справа кожнага. Хтосьці захацеў з'ехаць - хай з'яжджае, не трэба нікога трымаць", - заявіў беларускі лідар.

Лукашэнка расказаў, чаму прафсаюзы не павінны апраўдвацца
Ён прывёў у прыклад беларусаў, якія з'ехалі ў Латвію.

"Паклікалі іх туды. І дзе яны зараз жывуць у гэтай краіне? У нейкай рэзервацыі за два з паловай долары ў дзень. Дзе мільёны, якія абяцалі, ці хаця б тысячы долараў?" - рэзюмаваў Лукашэнка, заклікаўшы маладых людзей паспрабаваць і зрабіць адпаведныя высновы.

"Гэта да таго, што мы і вы ні перад кім не павінны апраўдвацца. Вы праводзіце тую лінію, якая прапісана ў вас у статуце, згодна з нашым законам", - дадаў прэзідэнт.

 

Тэги:
Прафсаюзы, Міхаіл Орда, Аляксандр Лукашэнка

Галоўныя тэмы