Мінздароўя распавяло, як доўга беларусам прыйдзецца насіць маскі

© Sputnik / Владимир Федоренко / Перайсці ў медыябанкМасачны рэжым
Масачны рэжым - Sputnik Беларусь
Падпісацца
На піку захворвання зараз знаходзяцца Гродзенскі і Мінскі рэгіёны, марудна паказчыкі растуць у Брэсцкай вобласці.

МІНСК, 23 ліс - Sputnik. Масачны рэжым і сацыяльнае дыстанцыяванне жыхарам рэспублікі трэба будзе выконваць да таго часу, пакуль не пойдзе на спад захворванне каронавіруснай інфекцыяй, пра гэта заявіў выконваючы абавязкі міністра аховы здароўя Дзмітрый Піневіч ў праграме "Галоўны эфір" на тэлеканале "Беларусь 1".

Вытворчасць вакцыны ад COVID-19 на фармацэўтычным заводзе - Sputnik Беларусь
Стала вядома, калі ў Беларусі выпусцяць першую партыю вакцыны ад COVID-19

Паводле яго слоў, у цяперашні час на піку захворвання знаходзіцца Гродзенская вобласць, "і, будзем спадзявацца, Мінскі рэгіён".

Працягваюць павялічвацца паказчыкі захворвання ў Гомелі, Віцебску і Магілёве. Найбольш марудна, па дадзеных в.а. міністра, растуць яны ў Брэсцкай вобласці.

"Законы эпідпрацэсу ніхто не адмяняў: рэгіёны, якія вясной "не адыгралі" ў поўнай меры, стартавалі раней па восені. Тыя, хто былі ў большай ступені, як Віцебскі і Брэсцкі рэгіёны, пазней ўступілі ў другую хвалю", - удакладніў Піневіч.

Такая сітуацыя, паводле яго слоў, укладаецца ў прагнозы. Галоўнае ў гэтым выпадку - забяспечыць кіравальнасць працэсу, праводзячы пастаянны маніторынг і аператыўна рэагуючы.

Маскі да чэрвеня

Таксама ён паведаміў, што маскі жыхарам Беларусі прыйдзецца насіць да таго часу, пакуль не скончыцца эпідэмічны працэс. Ён ідзе па сваіх законах, якія досыць складана абыйсці.

Мужчына пасля вымярэння тэмпературы пры ўваходзе ў лячэбную ўстанову - Sputnik Беларусь
Чатыры самыя раннія прыкметы заражэння каронавірусам назвалі навукоўцы

"Таму масачны рэжым і сацыяльнае дыстанцыяванне да завяршэння эпідпрацэсу, як мінімум да пачатку, так скажам, падзення ўзроўню захворвання, павінны выконвацца. А ў цэлым, можа, да чэрвеня", - сказаў на заканчэнне Дзмітрый Піневіч.

Абавязковы масачны рэжым быў уведзены ў дзеянне ў Беларусі 18 лістапада. З гэтага дня на ўсёй тэрыторыі рэспублікі грамадзяне павінны выкарыстоўваць СІА ў крамах і гандлёвых цэнтрах, кафэ і рэстаранах, аптэках, паліклініках і шпіталях, у школах, каледжах і ўніверсітэтах, адміністрацыйных будынках, на спартыўных аб'ектах, у грамадскім транспарце (у тым ліку ў таксі ), а таксама ў любых месцах, дзе няма магчымасці выконваць сацыяльную дыстанцыю. Намеснік міністр аховы здароўя Беларусі, галоўны санітарны ўрач Аляксандр Тарасенка заявіў, што выхад на плато па захворванні прагназуецца бліжэй да Новага года.

Задача штабоў

У лістападзе Аляксандр Лукашэнка даручыў арганізаваць рэгіянальныя штабы па рэагаванні на сітуацыю з COVID-19, як гэта было зроблена вясной бягучага года.

Педыятр, тэлевядучы Яўген Камароўскі - Sputnik Беларусь
Радыё
І метро таксама? Камароўскі назваў месца стопрацэнтнага заражэння каронавірусам

Як заявіў Піневіч, зараз штабы паспяхова спраўляюцца з галоўнай задачай - аб'яднаць кадравыя, матэрыяльныя і іншыя рэсурсы.

Другая задача штабоў - праца па адхіленнях. Па словах кіраўніка Міністэрства аховы здароўя, выяўленыя недахопы ўхіляюцца аператыўна. Ён мяркуе, што ў большай ступені, з'яўленне заўваг выклікана тым, што, у параўнанні з першай хваляй, тых, хто захварэў стала больш.

"Другі кампанент - ёсць момант выгарання персаналу", - удакладніў ён.

Нагадаем, што ў апошні час практычна штодня ў Беларусі б'ецца рэкорд па захворванні каронавірусам. Па дадзеных Міністэрства аховы здароўя на 22 лістапада, ад пачатку пандэміі ў рэспубліцы захварэла 123 999 чалавек, памерла 1 096 пацыентаў. Паправіліся і былі выпісаныя 103 848 чалавек.

Стужка навiн
0