09:06 21 студзеня 2021
«Радыё Sputnik»
  • USD2.54
  • EUR3.09
  • 100 RUB3.46
Грамадства
Атрымаць кароткую спасылку
Каронавірус COVID-19 (1014)
1910

У той жа час у паліклініках Мінска і Гродна ўсё яшчэ прымаюць толькі хворых з COVID, а планавая дапамога прыпыненая.

МІНСК, 17 сне - Sputnik. Медустановы Брэсцкай, Віцебскай і Магілёўскай абласцей зноў будуць прымаць пацыентаў планава, паведамілі ў Міністэрстве аховы здароўя.

Брэсцкая вобласць

У Брэсцкай вобласці эпідэміялагічная сітуацыя палепшылася, што дазволіла аднавіць працу некаторых бальніц, адзначылі ў ведамстве. Дзве бальніцы вернуць планавы прыём, яшчэ дзве скароцяць дадатковыя месцы для хворых COVID-19.

З сённяшняга дня гематалагічнае аддзяленне Брэсцкай абласной клінічнай бальніцы запрацуе ў стандартным рэжыме. З 19 снежня адкрыецца другі корпус Брэсцкага абласнога анкалагічнага дыспансера.

У Брэсцкай цэнтральнай гарадской бальніцы і Брэсцкай гарадской бальніцы №1 паменшаць колькасць дадатковых месцаў для прыёму хворых з каронавірусам. "У сувязі са скарачэннем колькасці пацыентаў, якія звяртаюцца ў бальніцы, за мінулы тыдзень скарочаныя больш за 120 дадатковых месцаў", - адзначылі ў Міністэрстве аховы здароўя.

Віцебская вобласць

З наступнага панядзелка хворых на каронавірус перастануць прымаць у хірургічным корпусе Віцебскага абласнога клінічнага анкалагічнага дыспансера.

"Таксама спыняецца шпіталізацыя пацыентаў на далечванне пнеўманій у рэабілітацыйны цэнтр "Жалязнякі" Віцебскага абласнога клінічнага кардыялагічнага цэнтра", - гаворыцца ў паведамленні ведамства.

Магілёўская вобласць

Да звычайнага рэжыму працы вернуцца Магілёўскі абласны шпіталь інвалідаў Айчыннай вайны (з 21 снежня) і Магілёўскі абласны лячэбна-дыягнастычны цэнтр - філіял Кардыялагічнай бальніцы (з 28 снежня).

Сітуацыя з COVID-19 у Беларусі

Прэзідэнт Беларусі Аляксандр Лукашэнка лічыць, што краіна выйшла на плато па ўзроўні захворвання.

"Мы на працягу двух тыдняў не прырастаем. Мы ўжо спыніліся на нейкай адзнацы, а пнеўманіі, што галоўнае, у нас скарачаюцца па 20-30-40 чалавек за суткі", - заявіў кіраўнік дзяржавы ў час сённяшняй сустрэчы са спецпасланнікам Папы Рымскага мансіньёр Клаўдыё Гуджэроцці.

Паводле статыстыкі Міністэрства аховы здароўя, у краіне за апошні дзень было зафіксавана 1834 выпадкі каронавіруса. Усяго ў краіне больш чым у 167 тысяч чалавек ПЦР-тэст паказаў станоўчы вынік на COVID. Максімальны сутачны прырост па ліку тых, хто захварэў быў 12 снежня - 1975 заражэнняў.

У некаторых медустановах краіны вяртаць планавы прыём пакуль не збіраюцца: так, у Мінску і ў Гродзенскай вобласці паліклінікі прымаюць толькі пацыентаў з COVID і аказваюць экстранную дапамогу.

Тэмы:
Каронавірус COVID-19 (1014)
Тэги:
каронавірус, Беларусь

Галоўныя тэмы