08:27 21 студзеня 2021
«Радыё Sputnik»
  • USD2.54
  • EUR3.09
  • 100 RUB3.46
Грамадства
Атрымаць кароткую спасылку
Каронавірус COVID-19 (1014)
1710

Стварэнне ўласнага прэпарата ад каронавіруса цяпер знаходзіцца на стадыі планавання, ужо абраныя тэхналогіі, якія будуць выкарыстоўвацца ў гэтай працы.

МІНСК, 23 сне - Sputnik. Распрацоўка беларускай вакцыны ад COVID-19 зойме каля трох гадоў, пра гэта распавёў дырэктар інстытута біяфізікі і клетачнай інжынерыі Нацыянальнай акадэміі навук Беларусі Андрэй Ганчароў ў эфіры "Беларусь 1".

"Распрацоўка прататыпа арыентыровачна зойме паўтара года. Даклінічныя выпрабаванні на лабараторных жывёлах - яшчэ прыкладна паўгода. Далей - клінічныя даследаванні - наколькі яны зацягнуцца, залежыць ад вельмі шматлікіх фактараў. На распрацоўку арыентыровачна гады тры трэба", - растлумачыў Ганчароў.

Спецыяліст удакладніў, што клінічныя даследаванні ўключаюць тры фазы са "здаровымі добраахвотнікамі". Па словах акадэміка, распрацоўка беларускай вакцыны ад каронавіруса цяпер знаходзіцца на стадыі планавання, ужо абраныя тэхналогіі, якія будуць выкарыстоўвацца ў гэтай працы, навукоўцы вызначаюцца "са штамамі, з мэтавымі бялкамі".

"Менавіта вакцыны як імунабіялагічны лекавы сродак у нас не распрацоўваліся, таму гэта новая для Беларусі задача, аднак, на мой погляд, яна стратэгічна важная, таму што ў свеце ўсё часцей ўспышкі новых інфекцыйных захворванняў. Дзе гарантыя, што наступная пандэмія не будзе праз два-тры гады?" - адзначыў Ганчароў.

У сярэдзіне снежня прэзідэнт Беларусі Аляксандр Лукашэнка заявіў, што стварэнне ўласнай вакцыны ад каронавіруса можа абыйсціся рэспубліцы прыкладна ў 2 мільёны долараў, гэта "невялікія грошы", якія пасля акупяцца.

"Спутник V" у Беларусі

Расійскую вакцыну ад каронавіруса "Спутник V" афіцыйна зарэгістравалі ў Беларусі 21 снежня. Цяпер яна можа выкарыстоўвацца і для масавай вакцынацыі. На нарадзе 22 снежня Аляксандр Лукашэнка заявіў, што кожны жадаючы ў Беларусі атрымае доступ да прэпарата ад COVID-19.

Як паведаміла Міністэрства аховы здароўя, вакцынацыя ад каронавіруса ў Беларусі пачнецца ў студзені, а вытворчасць "Спутник V" у нашай краіне плануецца запусціць у 2-м квартале 2021-га.

Тэмы:
Каронавірус COVID-19 (1014)
Тэги:
каронавірус, Вакцынацыя, Беларусь

Галоўныя тэмы