17:11 02 сакавіка 2021
«Радыё Sputnik»
  • USD2.62
  • EUR3.15
  • 100 RUB3.52
Грамадства
Атрымаць кароткую спасылку
Каронавірус COVID-19 (1066)
25 0 0

Новыя штамы каронавіруса працягваюць фіксаваць у розных краінах свету. Яны хутка распаўсюджваюцца.

МІНСК, 18 сту – Sputnik. Адзін з двух варыянтаў "бразільскага" штаму быў выяўлены ў Вялікабрытаніі, распавяла брытанскі вірусолаг Вэндзі Барклай, пра гэта паведамляе тэлеканал Sky News.

"Існуе два розных тыпы бразільскіх штамаў, і адзін з іх быў зафіксаваны ў Злучаным Каралеўстве", - заявіла Барклай.

У Вялікабрытаніі яшчэ адна мутацыя каронавіруса - зараз з Бразіліі

Прафесар Вэндзі Барклай кіруе групай экспертаў у Вялікабрытаніі, якая створана, каб вывучаць новыя мутацыі каронавіруса.

14 студзеня брытанскі міністр транспарту Грант Шаппс заявіў, што Вялікабрытанія спыняе транспартныя зносіны з усімі краінамі Паўднёвай Амерыкі, а таксама з Партугаліяй. Прычына - распаўсюджванне там новага "бразільскага" штаму каронавіруса.

"Бразільскі" штам

У канцы снежня бразільскія навукоўцы заявілі, што імі выяўлены новы штам каронавіруса у штаце Рыа-дэ-Жанейра. Гаворка ідзе пра мутацыі ўжо распаўсюджанай на тэрыторыі краіны разнавіднасці B.1.1.28.

Пры гэтым не паведамляецца, ці з'яўляецца гэтая мутацыя больш небяспечнай. Навукоўцы высветлілі, што новы штам адрозніваецца ад "цяперашняга" каронавіруса мутацыямі ў 38 з 180 геномаў. Прычым ёсць звесткі, што мутацыя была зафіксавана ў краіне яшчэ ў ліпені мінулага года: яе сляды выявілі ў 19 гарадах штата.

9 студзеня Японія паведаміла, што выявіла ў сябе новую "бразільскую" мутацыю - у чатырох чалавек (у тым ліку, двух дзяцей), якія прыляцелі з бразільскага штата Амазонас.

Небяспечныя мутацыі

Мутацыі вірусаў, у тым ліку SARS-CoV-2, адбываюцца пастаянна - такая іх прырода. Нават цяпер распаўсюдзіўся па ўсім свеце каронавірус ужо не той, што раней быў выяўлены ва Ухань. Аднак мутацыі выклікаюць боязь у навукоўцаў: па наяўнай інфармацыі, новы вірус больш заразны і хутчэй распаўсюджваюцца.

Акрамя таго, мутацыя адбылася ў такіх частках віруса, якія ўяўляюць асаблівую важнасць: менавіта на іх арыентуюцца навукоўцы, распрацоўваючы вакцыну і лячэнне.

Аб выяўленні новай мутацыі SARS-CoV-2 улады Вялікабрытаніі паведамілі 14 снежня. За месяц VOC-202012/01 (так званы "брытанскі" штам - Sputnik) распаўсюдзіўся ў 50 краінах свету.

Яшчэ адна мутацыя - "паўднёваафрыканская", якая атрымала маркіроўку 501Y.V2, таксама хутка распаўсюджваецца па свеце: па дадзеных СААЗ, яна зафіксавана ўжо ў 20 дзяржавах.

Чытайце таксама:

Тэмы:
Каронавірус COVID-19 (1066)
Тэги:
Вялікабрытанія, каронавірус

Галоўныя тэмы