За высокія цэны на лекі прэзідэнт паабяцаў жорсткую рэакцыю

© Sputnik / Александр Кряжев / Перайсці ў медыябанкНаведвальнікі аптэкі
Наведвальнікі аптэкі - Sputnik Беларусь, 1920, 15.02.2021
Падпісацца
Прэзідэнт Беларусі папярэдзіў, што ва ўмовах пандэміі каронавіруснай інфекцыі дзяржава будзе жорстка рэгуляваць цэнаўтварэнне на лекі.

МІНСК, 15 лют – Sputnik. Калі будзе ўстаноўлена, што цэны на лекі ў аптэках неабгрунтавана завышаныя, меры будуць прынятыя самыя строгія, заявіў прэзідэнт Беларусі Аляксандр Лукашэнка, выступаючы ў пятніцу на Усебеларускім народным сходзе.

"Не дай бог хтосьці ўстанавіў цэны ў аптэках па прынцыпе "падлога, столь". Асабліва гэтым грашаць прыватнікі. Значыць, мы прымем вельмі сур'ёзнае рашэнне. Аж да закрыцця гэтых аптэк, канфіскацыі іх і звароту ў даход дзяржавы", - сказаў кіраўнік дзяржавы.

Ён падкрэсліў, што па коштаўтварэнні ў аптэках будзе ўстаноўлены вельмі жорсткі парадак.

"Асабліва цяпер, ва ўмовах пандэміі, калі людзі хварэюць, мы не будзем жартаваць з лекамі, не будзем спадзявацца на нейкі рынак. Так не будзе", - падкрэсліў прэзідэнт.

Праверка аптэк

Нагадаем, з мінулага панядзелка Камітэт дзяржкантролю, міністэрства антыманапольнага рэгулявання і гандлю, Мінгарвыканкам і Федэрацыя прафсаюзаў Беларусі праводзяць маштабныя праверкі цэн у дзяржаўных і прыватных аптэках ва ўсіх рэгіёнах краіны. Паводле звестак КДК, ужо выяўлены факты неабгрунтаванага завышэння цэн.

"Мы рэкамендуем аптэчным сеткам прыняць меры па зніжэнні коштаў на сацыяльна-значныя лекі, не чакаючы прадпісанняў правяраючых", - заявілі ў прэс-службе КДК.

Там адзначылі, што па выяўленых фактах неабгрунтаванага павышэння цэн на лекавыя прэпараты кантрольным ведамствам будзе дадзена адпаведная ацэнка.

Прапановы прафсаюзаў

Медсястра робіць прышчэпку пацыенту ад каронавіруса вакцынай Спутник-V - Sputnik Беларусь, 1920, 12.02.2021
Піневіч: прыступаем да вакцынацыі беларускіх настаўнікаў ад COVID
У сваю чаргу ў Федэрацыі прафсаюзаў Беларусі паведамілі, за студзень бягучага года цэны на лекі павысіліся па цэлым шэрагу пазіцый ад 5 да 10 працэнтаў, часам нават вышэй. На пастаянным кантролі прафсаюзных спецыялістаў 50 найменняў лекавых прэпаратаў у 70 аптэках.

"Прафсаюзы маюць намер прапанаваць ураду разгледзець пытанне аб зніжэнні стаўкі ПДВ на лекавыя сродкі і медыцынскія вырабы", - сказалі ў ФПБ.

Прафсаюзы таксама будуць прапаноўваць ўвесці цэнавае рэгуляванне на найбольш запатрабаваныя прэпараты ў перыяд складанай эпідэміялагічнай сітуацыі, каб не дапусціць спекуляцый на фармакалагічным рынку.

Пазіцыя Міністэрства аховы здароўя

Міністэрства аховы здароўя правяло перамовы з прадстаўнікамі Асацыяцыі міжнародных фармацэўтычных вытворцаў, аптовых і рознічных фармацэўтычных кампаній, айчыннымі вытворцамі лекавых сродкаў з нагоды цэнаўтварэння на лекавыя прэпараты, паведамляе сайт ведамства.

Вакцынацыя ад каронавируса, архіўны фотаздымак - Sputnik Беларусь, 1920, 02.02.2021
Якой будзе беларуская вакцына ад каронавіруса? Запыталіся ў навукоўцаў

Па словах міністра Дзмітрыя Піневіча, "усе аператыўна зрэагавалі на ўзрослыя патрэбы аховы здароўя на пастаўкі прэпаратаў, асабліва для лячэння захворванняў, выкліканых распаўсюджваннем віруса COVID-19".

Міністрам таксама адзначана, што колькасць аптэк няўхільна расце, што гаворыць аб дастатковай маржынальнасці дадзенай сферы дзейнасці. Таксама ён падкрэсліў, што нават з нулявой стаўкай прэпараты ў Рэспубліцы Беларусь даражэй, чым у краінах, якія ўжываюць ПДВ 10 і нават 20%. Піневіч адзначыў, што "у сукупнасці гэтыя факты кажуць аб неабходнасці павышэння празрыстасці фарміравання цэн на лекавыя сродкі, магчыма перагляду заканадаўства ў гэтай сферы".

Чытайце таксама:

Стужка навiн
0