МІНСК, 1 сак – Sputnik. У Беларусі за суткі зарэгістраваны 961 новых выпадкаў каронавіруснай інфекцыі, паведамляе прэс-служба Міністэрства аховы здароўя.
Усяго ад пачатку пандэміі зарэгістраваны 288 267 пацыентаў, у якіх быў выяўлены каронавірус. За гэты час ужо паправіліся 278 661 чалавек (за мінулыя суткі выпісаны 667 пацыентаў).
За час пандэміі каронавіруса ў краіне ад наступстваў інфекцыі памерлі 1985 чалавек, у якіх раней быў дыягнаставаны COVID-19 (+9 чалавек за суткі).
"За мінулыя суткі выкананы 10 359 тэстаў. Усяго ў краіне праведзены 4 908 397 тэстаў", - паведамляе прэс-служба.
Вакцынацыя ад каронавіруса
26 лютага на прадпрыемстве "Белмедпрэпараты" вырабілі першую пробную партыю вакцыны ад каронавіруса "Спутник V" па расійскіх тэхналогіях.
Выпрабавальны разліў вакцыны пачаўся 1 сакавіка. У краіне плануюць выпускаць па 500 тысяч доз "Спутник V" у месяц - усё будзе залежаць ад магчымасцей і патрэб. Як распавёў дырэктар РУП "Белмедпрэпараты" Сяргей Бяляеў, выраблены прэпарат таксама зможа экспартавацца ў трэція краіны.
Чакаецца, што масавая вакцынацыя ў Беларусі пачнецца ў красавіку. Пакуль у ліку першых у рэспубліцы "Спутник V" прышчапіліся медыкі, пачалася вакцынацыя настаўнікаў, сацработнікаў.
Чытайце таксама:
- Беларусь зможа пастаўляць на экспарт вырабленую вакцыну "Спутник V"
- "Запіс на 2 месяцы наперад, трэба загадзя". Дзе ў Мінску здаць ПЦР-тэст?
- Мінздароўя Беларусі распавяло пра ўскладненні пасля прышчэпкі ад каронавіруса
