16:48 16 красавіка 2021
«Радыё Sputnik»
  • USD2.60
  • EUR3.11
  • 100 RUB3.44
Грамадства
Атрымаць кароткую спасылку
Пратэсты пасля выбараў у Беларусі (254)
16 0 0

Намеснік дзяржсакратара Савета бяспекі Беларусі мяркуе, што страйкі былі патрэбныя для таго, каб падзяліць рынкі, у тым ліку замежныя, на якіх беларуская прадукцыя карыстаецца попытам.

МІНСК, 29 сак – Sputnik. Наймальнікі змогуць скасоўваць кантракты з працаўнікамі за заклікі да забастовак на прадпрыемствах па палітычных матывах, паведаміў намеснік дзяржсакратара Савета бяспекі Аляксандр Рахманаў у эфіры тэлеканала "Беларусь 1".

Ён адзначыў, што незаконныя страйкі - даволі распаўсюджаная тэматыка з другой паловы мінулага года. Па словах Рахманава, прымаліся меры для расхіствання калектываў, былі спробы спыніць працу прадпрыемстваў. Гэта рабілася, каб падзяліць рынкі, у тым ліку замежныя, на якіх беларуская прадукцыя карыстаецца попытам.

"Мы таксама прадугледзелі і прапануем дадатковыя падставы да скасавання кантракта па ініцыятыве наймальніка з людзьмі, якія такой дэструктыўнай дзейнасцю займаюцца", - дадаў намеснік дзяржсакратара.

Як паведамлялася раней, Генпракуратура прапаноўвала ў Працоўным кодэксе ўстанавіць безумоўную забарону на вылучэнне палітычных патрабаванняў пры правядзенні забастоўкі, а адпаведнае рашэнне суда - падлягаць неадкладнаму выкананню.

Масавыя пратэстныя акцыі пачаліся ў Беларусі пасля выбараў прэзідэнта, што прайшлі 9 жніўня 2020 года, на якіх, паводле афіцыйных дадзеных ЦВК, у шосты раз перамог Аляксандр Лукашэнка, набраўшы больш за 80% галасоў выбаршчыкаў.

Нязгодныя з вынікамі выбараў выйшлі на вуліцы Мінска і іншых гарадоў краіны. Падчас разгону ўдзельнікаў несанкцыянаваных мерапрыемстваў сілавікі выкарыстоўвалі спецсродкі і спецтэхніку.

Пратэстная актыўнасць назіралася і на прадпрыемствах. Як пры гэтым заяўлялі ўлады, заводы працавалі ў штатным рэжыме.

Чытайце таксама:

Тэмы:
Пратэсты пасля выбараў у Беларусі (254)
Тэги:
прадукцыя, рынак, дзяржсакратар, намеснік, Савет бяспекі Беларусі, Забастоўка, працаўнік, кантракт, наймальнік

Галоўныя тэмы