Зноў прырост: новая статыстыка па каронавірусе ад Міністэрства аховы здароўя

© Sputnik / Павел Бедняков / Перайсці ў медыябанкВакцынацыя ад COVID-19
Вакцынацыя ад COVID-19 - Sputnik Беларусь, 1920, 21.04.2021
Падпісацца
Ад пачатку пандэміі ў Беларусі былі выяўлены 347 316 захварэлых на COVID-19, праведзены больш 5,7 мільёна ПЦР-тэстаў.

МІНСК, 21 кра – Sputnik. У Беларусі за мінулыя суткі было выяўлена 1 318 чалавек з пацверджаным дыягназам каронавірус. Пра гэта паведамляе прэс-служба Міністэрства аховы здароўя.

Па дадзеных на 21 красавіка, у краіне зарэгістраваны 347 316 захварэлых на COVID-19. За гэты час ачунялі 337 620 чалавек (+1 393 за мінулыя суткі).

Ад пачатку пандэміі ад каронавіруса памерлі 2 453 чалавекі (+10 за мінулыя суткі).

У агульнай складанасці ў Беларусі правялі 5 705 532 ПЦР-тэсты, за мінулыя суткі - 19 630.

Вакцынацыя ад каронавіруса ў Беларусі

Расійская вакцына "Спутник V" была зарэгістравана ў Беларусі 21 снежня 2020 года. Спачатку першыя прышчэпкі атрымлівалі прафесіі з груп рызыкі - медыкі, настаўнікі, сацработнікі. Масавая ж вакцынацыя ўсіх жадаючых, якія папярэдне запісаліся ў паліклініках, пачалася ў краіне 8 красавіка.

Вядомы кардыёлаг і тэлевядучы Аляксандр Мяснікоў - Sputnik Беларусь, 1920, 19.04.2021
Радыё
Мяснікоў: надзея на калектыўны імунітэт ад каронавіруса пакуль эфемерная

Для прышчэпак у краіне даступны дзве вакцыны - расійская "Спутник V" і кітайская "Сінафарм". Крыху пазней на прадпрыемстве "Белмедпрэпараты" сталі вырабляць "Спутник V" па расійскіх тэхналогіях: да прамысловага выпуску прэпарата прыступілі 25 сакавіка.

14 красавіка вакцыну, вырабленую на "Белмедпрэпаратах", Міністэрства аховы здароўя адобрыла да ўжывання. У ліку першых, хто атрымаў такі прэпарат, які сышоў з беларускага канвеера, быў сам міністр аховы здароўя Беларусі Дзмітрый Піневіч.

Кіраўнік ведамства расказаў, што за паўтара месяца на прадпрыемстве вырабілі 550 тыс доз вакцыны. Усяго плануецца прышчапіць 5,5 мільёна жыхароў, з іх 1,2 мільёна чалавек - да канца вясны.

Чытайце таксама:

Стужка навiн
0