23:56 15 мая 2021
«Радыё Sputnik»
  • USD2.53
  • EUR3.06
  • 100 RUB3.41
Грамадства
Атрымаць кароткую спасылку
45 0 0

Удзельнікам дыктанта трэба будзе выканаць 25 заданняў, у іх будзе таксама закранута тэма злачынстваў гітлераўцаў на акупіраваных тэрыторыях Савецкага Саюза.

МІНСК, 28 кра – Sputnik. Міжнародная асветніцка-патрыятычная акцыя "Дыктант Перамогі" пройдзе ў Беларускім дзяржаўным музеі гісторыі Вялікай Айчыннай вайны 29 красавіка.

У гэтым годзе пытанні будуць прымеркаваны да 80-годдзя пачатку вайны і трагічных падзей першых ваенных гадоў, а таксама юбілеяў вялікіх палкаводцаў Георгія Жукава і Канстанціна Ракасоўскага.

Акцыя будзе праведзена ў форме тэставання. Удзельнікам дыктанта трэба будзе выканаць 25 заданняў, у іх будзе таксама закранута тэма злачынстваў гітлераўцаў на акупіраваных тэрыторыях Савецкага Саюза, распавёў на прэс-канферэнцыі ў Маскве кіраўнік грамадскага савета праекта "Историческая память", старшыня Расійскага гістарычнага таварыства Сяргей Нарышкін.

"Галоўная мэта гэтай акцыі - адстаяць непахіснасць гістарычнай праўды, спрыяць фарміраванню цвёрдых і глыбокіх ведаў аб Вялікай Айчыннай вайне, пра значэнне перамогі Савецкага Саюза, савецкага народа над фашысцкай Германіяй", - адзначыў Нарышкін.

Напісаць дыктант можна будзе як вочна, так і анлайн на сайце диктантпобеды.рф. Пляцоўкі для правядзення акцыі адкрыюць ва ўсіх рэгіёнах Расіі і за мяжой. Усяго арганізатары акцыі разлічваюць адкрыць да 12 тысяч пляцовак.

У Беларусі праект рэалізуецца пры падтрымцы арганізацыйнага камітэта "Наша Перамога" і прадстаўніцтва Рассупрацоўніцтва.

Што такое "Дыктант Перамогі"

"Дыктант Перамогі" - міжнародная акцыя, якая дазваляе праверыць свае веды аб падзеях 1941-1945 гадоў. Дыктант упершыню прайшоў у 2019 годзе, удзел у акцыі прынялі больш за 150 тысяч чалавек. У 2020-м акцыя адбылася 3 верасня і была прымеркавана да 75-й гадавіны Вялікай Перамогі.

Усяго за два гады ў акцыі "Дыктант Перамогі" прыняло ўдзел 1,5 мільёна чалавек па ўсім свеце.

Арганізатарамі выступяць вядучыя расійскія грамадскія, ваенна-гістарычныя і гуманітарныя аб'яднанні, палітычныя партыі.

Чытайце таксама:

Тэги:
саюз, Беларускі дзяржаўны музей гісторыі Вялікай Айчыннай вайны, музей, "Дыктант Перамогі", Мінск

Галоўныя тэмы