23:29 15 мая 2021
«Радыё Sputnik»
  • USD2.53
  • EUR3.06
  • 100 RUB3.41
Грамадства
Атрымаць кароткую спасылку
29 0 0

Рэгуляванне памераў аплаты працы работнікаў дзяржорганаў і арганізацый мяняецца з 1 траўня. Мінпрацы лічыць, што новаўвядзенні дазволяць захаваць матывацыю работнікаў у забеспячэнні росту прадукцыйнасці працы.

МІНСК, 2 тра – Sputnik. У Беларусі ўнесены змяненні ў парадак павышэння зарплаты ў залежнасці ад росту прадукцыйнасці працы, паведамляе Міністэрства працы і сацыяльнай абароны.

Гэта прадугледжана пастановай №243 Савета міністраў ад 23 красавіка 2021 года. Дакументам уносяцца змены ў пункт 1 пастановы №744 "Аб аплаце працы работнікаў". Дадзеным пунктам вызначаны ўмовы павышэння заработнай платы работнікаў дзяржарганізацый - яны звязаны з ростам прадукцыйнасці працы.

З 1 траўня кіраўнікі дзяржарганізацый атрымалі права:

  • змяняць памеры аплаты працы і (або) структуру зарплаты работнікам у межах агульнага памеру аплаты працы, устаноўленага лакальнымі прававымі актамі і працоўнымі дамовамі. Гэта значыць, можна павышаць зарплату і без прывязкі да прадукцыйнасці, калі гэта не выходзіць за "зарплатны" бюджэт;
  • павышаць памеры аплаты працы работнікаў адасобленага падраздзялення, які мае асобны баланс (умова - суадносіны росту прадукцыйнасці працы і намінальнай налічанай сярэднямесячнай заработнай платы больш 1,0 у гэтым адасобленым падраздзяленні). Такім чынам, калі ў канкрэтным падраздзяленні высокая прадукцыйнасць працы, яго працаўнікі могуць разлічваць на павышэнне зарплаты, нават калі ў цэлым па арганізацыі прадукцыйнасць кульгае;
  • адзін раз за каляндарны год змяніць паказчык, які выкарыстоўваецца для разліку прадукцыйнасці працы - ўзгадніўшы гэта з вышэйстаячай арганізацыяй (для разліку прадукцыйнасці бяруць выручку ад рэалізацыі прадукцыі, тавараў (работ, паслуг) або дададзены кошт на аднаго сярэдняспісачнага работніка).

У Мінпрацы лічаць, што новаўвядзенні дазволяць "больш гнутка прымаць рашэнні аб павышэнні памераў аплаты працы", а таксама будуць спрыяць захаванню матывацыі ў забеспячэнні росту прадукцыйнасці працы".

Чытайце таксама:

Тэги:
матывацыя, Мінпрацы РБ, работнік, Праца, зарплата, Беларусь

Галоўныя тэмы