Як Мінск адзначыць Дзень Перамогі

© Sputnik / Виктор ТолочкоМінск сустрэў 9 Траўня
Мінск сустрэў 9 Траўня - Sputnik Беларусь, 1920, 07.05.2021
Падпісацца
Па традыцыі ў сталіцы 9 траўня арганізуюць святочную праграму. Гарадскія ўлады абяцаюць улічыць інтарэсы гараджан рознага ўзросту. Sputnik даведаўся, што, дзе і калі будзе адбывацца.
У 11.00 пачнецца ўскладанне кветак і вянкоў да манумента Перамогі. Гэта частка патрыятычнай акцыі "Беларусь памятае". Ушанаваць памяць загінулых прыедуць афіцыйныя дэлегацыі дзяржаўных органаў, працоўных калектываў, прадстаўнікоў грамадскіх і прафсаюзных арганізацый, адміністрацый раёнаў, духавенства, дэпутаты, моладзь.
У 11.00 тэматычная праграма адкрыецца ў парку Перамогі, пройдуць паказальныя выступленні па рукапашным баі, кінолагі пакажуць сваё майстэрства ў дрэссуры службовых сабак. Галоўнай асаблівасцю стане выстава ваеннай тэхнікі. Будзе працаваць палявая кухня. Усё працягнецца да 17.00.
Цэнтральнай для гулянняў стане пляцоўка ля Палаца спорту. Тут з 10.00 да 23.00 пройдзе кірмаш, з 12.00 запланавана канцэртная праграма "Мая вясна! Мая Перамога!", якая дазволіць акунуцца ў атмасферу даваеннага часу і паслухаць папулярныя песні ваенных гадоў. Не забудуцца і пра забавы - пройдзе міжнародны турнір па сілавым экстрыме Minsk Strong Battle.
Ацаніць узоры ваеннай тэхнікі з 10.00 акрамя парку Перамогі можна будзе ў розных раёнах сталіцы. Мінабароны разгорне ў Мінску сем тэматычных пляцовак, у тым ліку ў Камароўскім скверы, каля Нацыянальнай бібліятэкі, "Чыжоўка-Арэны", у парках імя Янкі Купалы, экстрэмальных відаў спорту і імя Паўлава.
Больш не манахромная: нейрасеткі размалявалі ваенную кінахроніку - відэа - Sputnik Беларусь, 1920, 05.05.2021
Відэа
Больш не манахромная: нейрасеткі размалявалі ваенную кінахроніку
З 15.00 да 17.00 у рамках акцыі "Вальс Перамогі" забаўляльныя праграмы правядуць на звыклых раённых канцэртных пляцоўках.
У 18.00 на плошчы Дзяржаўнага сцяга пройдзе ўрачысты рытуал ушанавання дзяржаўных сімвалаў - герба і сцяга.
У 21.30 на плошчы Перамогі стартуе гала-канцэрт "Подзвіг народа бессмяротны".
У 23.00 вянчае ўсё святочны салют. Вызначаны пяць кропак - на тэрыторыі парку імя Янкі Купалы, у парку імя Паўлава, на набярэжнай у Драздах, у парку імя Уга Чавеса і на пляцоўцы каля "Чыжоўка-Арэны".
Чытайце таксама:
Стужка навiн
0