17:48 18 чэрвеня 2021
«Радыё Sputnik»
  • USD2.52
  • EUR3.00
  • 100 RUB3.49
Грамадства
Атрымаць кароткую спасылку
28 0 0

Кітай бязвыплатна прадаставіў 300 тысяч доз вакцыны, атрымаць двухкампанентную прышчэпку змогуць 150 тысяч беларусаў.

МІНСК, 19 тра - Sputnik. Ваенна-транспартны самалёт Іл-76МД з гуманітарнай дапамогай ад Кітая прызямліўся на аэрадроме Мачулішчы.

Вакцыну распрацавала кітайская кампанія China National Biotec Group. Гэта падраздзяленне найбуйнейшай фармкарпарацыі Sinopharm. У лютым Кітай перадаў Беларусі 100 тысяч доз гэтай вакцыны, сёння прыбылі яшчэ 300 тысяч доз.

У Кітаі, паводле слоў пасла КНР у Беларусі Се Сяоюна, вакцынаваны ўжо каля 400 млн. чалавек. Пасол падкрэсліў сімвалічны момант: менавіта з аэрадрома Мачулішчы ў Кітай адправілася беларуская гуманітарная дапамога ў самым пачатку пандэміі. Беларусь першай у свеце адгукнулася на сітуацыю з каронавірусам ў Кітаі. Паднябесная таксама дапамагала рэспубліцы ў барацьбе з COVID-19.

"Ваенная авіяцыя заўсёды гатова аказаць усю неабходную дапамогу Міністэрству аховы здароўя ў барацьбе з каронавіруснай інфекцыяй. У такім рэжыме мы працуем ужо каля года. Гэта ўжо пяты рэйс з гуманітарнай дапамогай, які мы здзяйсняем у Кітайскую Народную Рэспубліку і назад па дастаўцы грузаў медыцынскага прызначэння", - адзначыў камандуючы Ваенна-паветранымі сіламі і войскамі супрацьпаветранай абароны Узброеных Сіл Ігар Голуб.

Вакцынацыя ў Беларусі

У краіне працягваецца кампанія па масавай вакцынацыі насельніцтва, запісацца на прышчэпку можна ў паліклініцы па месцы жыхарства, аднак адразу атрымаць вакцыну не атрымаецца - папярэдняя чарга распісаная на травень, у асобных медустановах на чэрвень.

Беларусаў прышчапляюць у асноўным расійскім прэпаратам "Спутник V", але таксама ўжывалі і "ЭпиВакКорону" і кітайскі "Синофарм". Імунітэт ад COVID-19 выпрацоўваецца праз тры тыдні пасля другой прышчэпкі.

Нагадаем, вакцына "Спутник V" была зарэгістраваная першай у свеце 11 жніўня 2020 года. Як паведаміў часопіс The Lancet, даследаванні паказалі, што эфектыўнасць прэпарата перавысіла 91%.

Чытайце таксама:

Галоўныя тэмы