03:42 19 чэрвеня 2021
«Радыё Sputnik»
  • USD2.52
  • EUR3.00
  • 100 RUB3.49
Грамадства
Атрымаць кароткую спасылку
14 0 0

У "Мінскай гарадской жыллёвай гаспадарцы" распавялі каму і чаму пералічаць суму за ацяпленне і як не плаціць за "халодную" гарачую ваду.

МІНСК 25 тра - Sputnik. Аплату за ацяпленне ў чэрвені пералічаць жыхарам дамоў, якія не абсталяваны групавымі прыборамі ўліку, распавяла Sputnik начальнік аддзела энергетыкі ГА "Мінская гарадская жыллёвая гаспадарка" Алена Папова.

Абноўленыя дадзеныя прыйдуць ўжо ў наступным месяцы. Гаворка ідзе пра старыя малапавярховыя (у тым ліку васьмікватэрныя) дамы, дзе няма тэхнічнай магчымасці ўсталяваць лічыльнікі.

"На працягу ацяпляльнага перыяду ў дачыненні да такіх будынкаў штомесяц выстаўляецца сярэдні нарматыў. Паралельна падлічваецца фактычны расход вады на падставе дадзеных па ўліковых хатах у залежнасці ад тэмпературы вонкавага паветра. Калі ацяпленне адключаюць, розніцу пералічваюць", - патлумачыла Алена Папова.

Суразмоўніца падкрэсліла, што яшчэ ні разу пераразлік не мяняў суму ў бок павелічэння. Усталяваны такі сярэдні нарматыў, каб пасля ацяпляльнага сезона не было дабораў, гэта заўсёды вяртанне. Але выніковы паказчык залежыць ад таго, наколькі халоднай была зіма.

У Мінску 486 жылых дамоў, пад якімі нельга размясціць цеплавузел і прыборы ўліку. Большасць - у Завадскім, Маскоўскім, Партызанскім і Цэнтральным раёнах. Большасць гэтых аб'ектаў плануюць знесці і замясціць сучаснай забудовай.

У іншым аддзеле ГА "Мінская гарадская жыллёвая гаспадарка" агенцтву Sputnik нагадалі пра неабходнасць перакрываць лічыльнік ці не чапаць вентыль гарачай вады пасля адключэння. У адваротным выпадку па выніках месяца за гэтую ваду давядзецца плаціць як за гарачую.

Тэги:
вада, Жыллёва-камунальная гаспадарка, ацяпленне, Мінск

Галоўныя тэмы