Ганчарэнка: нідзе, акрамя БАТЭ, сябе не ўяўляю

© Sputnik / Саид Царнаев / Перайсці ў медыябанкфутбольны трэнер Віктар Ганчарэнка
футбольны трэнер Віктар Ганчарэнка - Sputnik Беларусь
Падпісацца
Беларускі спецыяліст запэўніў, што на гэтым тыдні вызначыцца са сваёй будучыняй.

МІНСК, 9 чэр — Sputnik. Беларускі футбольны трэнер Віктар Ганчарэнка ў інтэрв'ю тэлеканалу "Беларусь 5" заявіў, што нідзе, акрамя барысаўскага БАТЭ, сябе не ўяўляе.

У расійскіх СМІ апошнім часам часта з'яўляецца даволі супярэчлівая інфармацыя пра далейшы лёс Ганчарэнка. Адны праракалі яму пасаду галоўнага трэнера "Лакаматыва" пасля сыходу Міодрага Божавіча, аднак на гэты пост быў прызначаны Ігар Черэўчэнко, іншыя з вялікай упэўненасцю заяўляюць, што беларус ўзначаліць маскоўскі "Спартак". Напярэдадні з'явілася інфармацыя аб тым, што "Урал" правёў перамовы з Ганчарэнка, аднак бакі не змаглі знайсці кампрамісу.

"Цяпер актыўна вяду перамовы, аднак не хачу называць каманды. Магу толькі запэўніць, што на працягу гэтага тыдня ўсё праясніцца", — сказаў беларускі спецыяліст. А на просьбу пракаментаваць чуткі аб "Спартаку" трэнер адказаў, што ніякіх перамоваў з "чырвона-белымі" не вёў і каментаваць тут няма чаго.

Па словах Ганчарэнкі, ён не замыкаецца ня чэмпіянаце Расіі ў плане працаўладкавання, і калі ёсць варыянты з іншых краін, то коуч гатовы іх абмяркоўваць. На пытанне журналіста, ці магчыма яго вяртанне ў Беларусь, трэнер адказаў, што нідзе акрамя БАТЭ сябе не бачыць. "Скажу шчыра: нідзе, акрамя БАТЭ, я сябе не ўяўляю. Але дадзены варыянт па аб'ектыўных прычынах нерэальны", —  сказаў Ганчарэнка, які вось ужо дзевяць месяцаў з'яўляецца беспрацоўным.

Як вядома, у Беларусі прыняты дэкрэт прэзідэнта аб стымуляванні занятасці грамадзян. Згодна з дакументам, грамадзянін, ня ўдзельнічае ў фінансаванні дзяржаўных расходаў больш чым 183 дзён у годзе, абавязаны выплаціць сацыяльны збор у памеры 20 базавых велічынь. "Наколькі дасведчаны, яго яшчэ ніхто не плаціць. Ці пагражае ён? Калі траплю — значыць, няма выбару — дадаў Ганчарэнка.

Стужка навiн
0