01:22 23 лістапада 2017
«Радыё Sputnik»
Капітан мінскага Дынама Аляксей Калюжны

ХК "Дынама": мінскія заўзятары – лепшыя ў КХЛ

© Sputnik/ Сергей Неверкевич
Спорт
Атрымаць кароткую спасылку
26 0 0

Сярэдняя наведвальнасць хатніх матчаў сталічнай дружыны ў параўнанні з мінулым сезонам ўпала амаль на тры тысячы – з 14120 чалавек да 11445.

МІНСК, 22 лют — Sputnik. Прыхільнікі хакейнага клуба "Дынама-Мінск" — лепшыя ў Кантынентальнай хакейнай лізе, упэўнены форвард "зуброў" Мэт Элісан.

Напярэдадні адбылася неафіцыйная цырымонія закрыцця сезона-2015/16. "Бела-сінія" арганізавалі сапраўднае свята для сваіх заўзятараў на "Мінск-Арэне" з майстар-шоу, аўтограф-сесіяй і паядынкам каманды BYzone супраць "зуброў".

"Колькасць заўзятараў на трыбунах сёння толькі пацвердзіла тое, што ў Мінску — лепшыя заўзятары у Лізе. Дзякуй ім за падтрымку. Яны падтрымліваюць нас па-за залежнасці ад таго, прайгралі мы ці выйгралі. Нават калі завяршыўся сезон, мы не засталіся без падтрымкі. Яшчэ раз дзякуй! Спадзяюся, у наступным сезоне каманда зможа пацешыць усіх балельшчыкаў", — прыводзіць словы Элісан прэс-служба мінскага "Дынама".

Дарэчы, "бела-сінія" атрымалі перамогу ў матчы супраць заўзятараў — 9: 8. "Шмат у чым менавіта маленькія "дынамаўцы" (дзеці Аляксея Калюжнага, Аляксандра Кулакова і Дзмітрыя Мялешкі) дапамаглі сваім бацькам "вырваць" перамогу ў каманды фан-клуба", — распавялі Sputnik у клубе.

"Вельмі добра, што за "Дынама" ігралі дзеці — ад гэтага відовішчнасць матчу павялічылася ў разы", — падзяліўся Элісан.

Па завяршэнні матчу прайшла цырымонія ўзнагароджання лепшых ігракоў сезона па выніках галасавання на афіцыйным форуме нашага клуба. "Вынікі яго такія: лепшы брамнік — Джэф Гласс; лепшы абаронца — Нік Бэйл; лепшы нападаючы — Мэт Элісан; лепшы ігрок сезона-2015/16 — Мэт Элісан", — дадалі ў "Дынама".

Па выніках сезона мінчане набралі 83 ачкі ў 60 гульнях і спыніліся за крок ад восьмага месца, які дазваляе працягнуць выступ у КХЛ.

У апошні раз "дынамаўцы" прабіваліся ў накаўт-раўнд ў мінулым сезоне пад кіраўніцтвам славацкага спецыяліста Любаміра Покавіча. Тады ў чвэрцьфінале Заходняй канферэнцыі ў серыі да чатырох перамог яны саступілі фінскаму "Ёкерыту" — 1: 4. Усяго ж у плэй-оф КХЛ "зубры" ігралі тройчы: у сезонах 2014/15, 2011/12, 2010/11.

Тэги:
Хакей, Стыль жыцця, Спартыўная дысцыпліна, Спорт, КХЛ, ХК Дынама (Мінск), Беларусь
Правілы карыстанняКаментары

Галоўныя тэмы