21:42 02 ліпеня 2020
«Радыё Sputnik»
  • USD2.42
  • EUR2.73
  • 100 RUB3.44
Спорт
Атрымаць кароткую спасылку
Скандал з паралімпійцамі (5)
3420

Адхіленне паралімпійцаў РФ ад Алімпійскіх гульняў стала самай гучнай тэмай як у спартыўнай супольнасці, так і ў сусветных СМІ. Простыя людзі і спартсмены называюць рашэнне CFS нялюдскім.

МІНСК, 24 жні — Sputnik. Вядучыя сусветныя СМІ (Wall Street Journal, New York Times, USA Today, Los Angeles Times, Guardian, Daily Mail) пішуць пра рашэнне Спартыўнага арбітражнага суда (CAS), які ў аўторак адхіліў пазоў Паралімпійскага камітэта Расіі (ПКР), пазбавіўшы расійскіх спартсменаў магчымасці выступіць на Паралімпійскіх гульнях-2016 у Рыа-дэ-Жанейра.

"Горкі дзень для расійскіх невінаватых паралімпійцаў", — з такім загалоўкам выйшаў артыкул у газеце USA Today.

Спартыўны арбітражны суд (CAS) 23 жніўня адхіліў пазоў ПКР на рашэнне Міжнароднага паралімпійскага камітэта (IPC) аб адхіленні расіян ад Паралімпійскіх гульняў-2016 і пазбаўленні ПКР сяброўства ў арганізацыі.

Беларусы падтрымалі першымі

Кіраўнік Паралімпійскага камітэта Беларусі Алег Шэпель першым заявіў, што беларускі бок падтрымае Паралімпійскі камітэт Расіі (ПКР) пасля яго адхілення.

"Я як кіраўнік Паралімпійскага камітэта Беларусі не збіраюся маўчаць ні тут, ні ў Бразіліі. Я нават даручыў узяць на адкрыццё Гульняў у Рыа беларускія і, адназначна, расійскія сцягі. У мяне яны будуць дакладна", — заявіў Шэпель у інтэрв'ю Sputnik Беларусь. Яго словы працытавалі вядучыя сусветныя СМІ.

Міжнародны паралімпійскі камітэт (МПК) у сваю чаргу адзначыў, што калі беларусы падчас параду панясуць расійскія сцягі, гэта будзе разглядацца як палітычны пратэст. Але кіраўнік Паралімпійскага камітэта Беларусі ад сваіх слоў, сказаных Sputnik, адмаўляцца не стаў. І ўвесь дзень тлумачыў журналістам, што ён сам возьме на трыбуну сцяг РФ падчас цырымоніі адкрыцця Паралімпійскіх гульняў 2016 года ў Рыа-дэ-Жанейра.

"Што тычыцца расійскага сцяга, то ёсць пэўныя крытэрыі. І мы не збіраемся гэтыя крытэрыі парушаць. Бо спартсмены не павінны займацца палітыкай. І тая дэлегацыя, якая афіцыйна выйдзе на "Маракане", будзе несці толькі беларускі сцяг. І ніякага іншага. Бо спартсмены павінны займацца спортам і паказваць вынікі на дарожках, у залах", — сказаў Шэпель, словы якога прыводзіць беларускае "Радыё Свабода".

Пры гэтым ён адзначыў, што няма падстаў для таго, каб падчас цырымоніі адкрыцця расійскі сцяг не з'яўляўся на трыбуне.

"Што тычыцца афіцыйнай дэлегацыі, то я ўпэўнены, што людзі будуць трымаць не толькі беларускі сцяг. Я не бачу падстаў, калі мы кажам, што ў нас дэмакратыя, што акрамя беларускага я не магу ўзяць і расійскі сцяг на афіцыйную трыбуну. Але ні ў якім разе не спартыўная дэлегацыя", — заявіў кіраўнік Паралімпійскага камітэта.

"У мяне вельмі добрыя стасункі з прэзідэнтам Паралімпійскага камітэта Расіі Уладзімірам Лукіным, я яго абавязаны падтрымаць. Не толькі я. А што тычыцца спартсменаў, то яны павінны займацца спортам. Калі мы не адасобім спорт ад палітыкі, у тым ліку і паралімпійскі рух, гэта не вельмі добра скончыцца", — дадаў ён.

Паралімпійцы лічаць рашэнне CAS палітычным

Кіраўнік Нацыянальнага паралімпійскага камітэта Арменіі Акоп Абрамян лічыць, што палітычным рашэнням няма месца ў спорце.

"Гэта рашэнне перашкодзіць Гульням, паралімпійскаму руху ва ўсім свеце. Гэта няправільнае рашэнне. Палітыка не мае месца ў спорце, пра што я шмат разоў казаў", — падкрэсліў Абрамян у эфіры радыё Sputnik Арменія.

Эстонскія спартсмены таксама негатыўна ўспрынялі рашэнне Міжнароднага спартыўнага суда аб адмове расійскім паралімпійцам удзельнічаць у Паралімпіядзе-2016 у Бразіліі, паведамляе Sputnik Эстонія.

"Да апошняга я быў упэўнены: паралімпійцам не адмовяць у доступе на іх Алімпіяду. Але калі даведаўся аб адхіленні спартсменаў з асаблівымі патрэбамі ўсёй камандай, цалкам, то ўспрыняў гэта вельмі адмоўна. Падкрэслю: так жа б я паставіўся, калі б любую нацыю, краіну, каманду паралімпійцаў падвергнулі жорсткім іспытам", — заявіў прэзідэнт спартыўнага клуба "Крэшчацік" імя Лабаноўскага Барыс Федарэнка.

"Той факт, што паралімпійскую зборную Расіі адхілілі ад спаборніцтваў, хвалюе мяне як спартсменку", — сказала Sputnik азербайджанская спартсменка Зінэт Вяліева, якая будзе прадстаўляць краіну на Паралімпійскіх гульнях у Рыа ў спаборніцтвах па стральбе з лука.

Казахстанскі лёгкаатлет, бронзавы прызёр Алімпіяды-2004 Дзмітрый Карпаў заявіў, што яму вельмі крыўдна за расійскіх паралімпійцаў, якія адхілены ад удзелу ў Паралімпіядзе ў Рыа-дэ-Жанейра.

"Дрэнна гэта вельмі! Крыўдна вельмі за расійскіх паралімпійцаў. Лічу, што гэта няправільна. Спорт павінен быць спортам, палітыка — палітыкай. Гэта ўжо палітычны працэс, складваецца ўражанне, што аказваецца ціск на Расію. Хутчэй за ўсё, гэта так, але спартсмены не вінаватыя, яны ні пры чым", — сказаў Карпаў у інтэрв'ю ІА Навіны-Казахстан.

Прэзідэнт паралімпійскага камітэта Кыргызстана ў сваю чаргу адзначыў, што ні адна краіна ў СНД так не падтрымлівае і не развівае паралімпійцаў, як Расія.

"Без Расіі гэта рух і Гульні будуць невыразнымі. Расійскія паралімпійцы — адны з наймацнейшых у свеце, гэта нельга адмаўляць. Яны ўсё роўна застануцца прыкладам для пераймання", — цытуе яго словы Sputnik Кыргызстан.

Тэмы:
Скандал з паралімпійцамі (5)
Тэги:
Паралімпійскія гульні-2016, Алег Шэпель, Беларусь

Галоўныя тэмы