12:08 22 жніўня 2019
«Радыё Sputnik»
  • USD2.06
  • EUR2.28
  • 100 RUB3.11
Беларускі плавец Ігар Бокій

Беларус Ігар Бокій заваяваў першае золата Паралімпіяды-2016

© REUTERS / SERGIO MORAES
Спорт
Атрымаць кароткую спасылку
Герой Паралімпіяды-2016 – Ігар Бокій (5)
820

Беларус прыйшоў да фінішу з новым сусветным рэкордам, папярэдняе дасягненне, усталяванае год таму на ЧС, таксама належала яму.

МІНСК, 9 вер — Sputnik. Беларускі плывец Ігар Бокій заваяваў першы залаты медаль на Паралімпійскіх гульнях у Рыа-дэ-Жанейра.

Напярэдадні адбыўся фінальны заплыў на дыстанцыі 100 метраў батэрфляем у катэгорыі S13. Бокій на фінішы паказаў вынік 53,85 секунды. Беларус не толькі прынёс першы залаты медаль у скарбонку сваёй зборнай, але і абнавіў свой жа сусветны рэкорд, усталяваны год назад на Чэмпіянаце свету-2015 у Глазга (54,44 секунды).

Следам за Бокім фінішаваў спартсмен з Узбекістана Кірыл Панкоў (56,84), трэцім стаў яго суайчыннік Музафар Турсунхаджаеў (57,26). Чацвёрты (58,11) і пяты (58,16) час паказалі два беларускія плыўца, якія выступаюць цяпер за Азербайджан — Раман Салей і яго брат, паралімпійскі чэмпіён Пекіна-2008 Дзмітрый Салей. Прадстаўнік Беларусі стаў шасціразовым чэмпіёнам Паралімпійскіх гульняў: у 2012 годзе ў Лондане ён пяць разоў падымаўся на першую прыступку пастамента, перамагаючы ў плаванні. Паралімпійскія гульні ў Рыа-дэ-Жанейра завершацца 18 верасня, у спаборніцтвах будзе разыграна больш за 500 камплектаў узнагарод. Беларускія атлеты выступяць у пяці відах спорту: плаванні, лёгкай атлетыцы, дзюдо, фехтаванні і акадэмічным веславанні. Спартсмены з Кітая заваявалі ў чацвер пяць залатых, восем сярэбраных і чатыры бронзавыя медалі. Другімі ідуць брытанцы, у актыве якіх пяць залатых медалёў, два срэбры і дзве бронзы. На трэцім месцы ідзе каманда Узбекістана з трыма ўзнагародамі вышэйшай пробы і адным бронзавым медалём. Беларусы ў неафіцыйным медальным заліку — 16-я.

Тэмы:
Герой Паралімпіяды-2016 – Ігар Бокій (5)
Тэги:
Плаванне, Паралімпійскія гульні-2016, Ігар Бокій, Рыа-дэ-Жанейра, Бразілія

Галоўныя тэмы