МІНСК, 22 мая — Sputnik. Бязвізавы ўезд у Беларусь для заўзятараў абяцаюць увесці ўлады краіны да Чэмпіянату свету па хакеі з шайбай, які пройдзе ў Мінску і Рызе ў 2021 годзе.
У канцы мінулага тыдня ў Кёльне (Германія) прайшоў кангрэс ІІХФ, на якім дэлегаты абралі гаспадароў ЧС-2021: Мінск і Рыга змаглі зацікавіць больш, чым Фінляндыя. Такім чынам, рэспубліка другі раз атрымае права правесці ЧС — папярэдні праходзіў у Беларусі вясной 2014-га.
Улады ўжо паспелі паабяцаць шмат цікавых мерапрыемстваў на час сусветнага першынства, а таксама бязвізавы ўезд для балельшчыкаў. Sputnik сабраў некалькі цікавых фактаў аб надыходзячым праз чатыры гады першынстве. За ідэі і факты можна прагаласаваць — выберыце тое, што больш спадабалася, і націсніце на "стрэлачку ўверх".
Цяпер у Беларусі дзейнічае бязвізавы ўезд для грамадзян 80 дзяржаў тэрмінам на пяць дзён. Вопыт жа ўезду з квіткамі на матчы замест віз ужо практыкавалі ў рэспубліцы — у 2014 годзе.
У 2018 годзе турнір прыме Данія (Капенгаген, Хернінг), у 2019 — Славакія (Браціслава, Кошыцэ), у 2020 — Швейцарыя (Цюрых, Лазана). А ЧС-2022 прыме Фінляндыя.
