17:55 24 лістапада 2017
«Радыё Sputnik»
Сцяг Сурдлімпійскіх гульняў, архіўнае фота

Больш за 40 беларусаў возьмуць удзел у Сурдлімпійскіх гульнях у Турцыі

© Sputnik/ Владимир Астапкович
Спорт
Атрымаць кароткую спасылку
810

Прадстаўнікі Беларусі паспаборнічаюць за ўзнагароды ў вольнай і грэка-рымскай барацьбе, а таксама ў дзюдо, плаванні, лёгкай атлетыцы і пляжным валейболе.

МІНСК, 18 ліп — Sputnik. Беларускія спартсмены з парушэннямі слыху прымуць удзел у XXIII летніх Сурдлімпійскіх гульнях. Урачыстае адкрыццё гульняў адбудзецца ў аўторак ў турэцкім горадзе Самсун.

Сурдлімпійскія гульні праводзяцца з 1924 года для людзей з парушэннямі слыху. Для ўдзелу ў гульнях дапускаюцца спартсмены, якія маюць страту слыху не менш за 55 дБ на лепшае вуха. Падчас спаборніцтваў удзельнікам забаронена выкарыстоўваць слыхавыя апараты і кахліярныя імпланты. Замест гукавых сігналаў прымяняюцца візуальныя.

Мяркуецца, што ў цяперашніх спаборніцтвах возьмуць удзел больш за тры тысячы атлетаў з 97 краін. Будуць разыграны 220 камплектаў узнагарод па 21 відзе спорту. Беларусь на гульнях прадставяць 42 спартсмена, якія пазмагаюцца за ўзнагароды ў вольнай і грэка-рымскай барацьбе, а таксама ў дзюдо, плаванні, лёгкай атлетыцы і пляжным валейболе.

Беларусь удзельнічае ў Сурдлімпійскіх гульнях, пачынаючы з 1993 года. За гэты час прадстаўнікі рэспублікі здолелі заваяваць 87 узнагарод, у тым ліку 33 вышэйшай пробы.

Тэги:
Сурдлімппійскія гульні, Спорт, Турцыя
Правілы карыстанняКаментары

Галоўныя тэмы