Лукашэнка даў слова: беларускі тэніс хутка гучна аб сабе заявіць

© REUTERS / Vasily FedosenkoБеларускія тэнесісткі Арына Сабаленка і Аляксандра Сасновіч
Беларускія тэнесісткі Арына Сабаленка і Аляксандра Сасновіч - Sputnik Беларусь
Падпісацца
На сустрэчы са спартыўнымі функцыянерамі прэзідэнту падарылі копію Кубка Федэрацыі.

МІНСК, 13 ліс — Sputnik. Беларускі тэніс хутка гучна аб сабе заявіць, паабяцаў прэзідэнт Беларусі Аляксандр Лукашэнка на сустрэчы з кіраўніком Міжнароднай федэрацыі тэніса (ITF) Дэвідам Хагерці. 

Напярэдадні на корце "Чыжоўка-Арэны" завяршыўся фінал Кубка Федэрацыі паміж зборнымі Рэспублікі Беларусь і ЗША. Перамогу святкавалі амерыканскія тэнісісткі Кока Вандэвеге, Слоан Стывенс, Шэлбі Роджэрс і Элісан Рыске. Беларускі Аляксандра Сасновіч, Арына Сабаленка, Вера Лапко, Лідзія Марозава і Вольга Гаварцова атрымалі сярэбраныя ўзнагароды.

"Цвёрда вам абяцаю як кіраўнікам міжнароднага тэніса, еўрапейскага, расійскага, вялікім аматарам тэніса, што мы хутка, у крайнім выпадку, у жаночым тэнісе, аб сабе гучна заявім. Спадзяюся, яшчэ і Азаранка сваё слова скажа", — сказаў Лукашэнка падчас сустрэчы з кіраўніком ITF.

Відэафакт: як стартаваў фінал Кубка Федэрацыі ў Мінску - Sputnik Беларусь
Відэа
Відэафакт: як стартаваў фінал Кубка Федэрацыі ў Мінску

Словы беларускага лідэра прыводзіць прэс-служба кіраўніка дзяржавы. Па словах прэзідэнта, "ужо добра, што лепшыя тэнісісткі Злучаных Штатаў Амерыкі сёння гасцююць у Беларусі". "Я сваім дзяўчатам напярэдадні так і сказаў, што яны зрабілі вялізны крок наперад і ўпершыню ў гісторыі Беларусі тое, што не мог ніхто ніколі да іх зрабіць: прывезлі сюды лепшых тэнісістаў з самай тэніснай краіны", — працягнуў кіраўнік дзяржавы.

Прэзідэнт упэўнены, што фінал Кубка Федэрацыі ў Мінску стане стымулам для юных тэнісістаў, дасць штуршок развіццю гэтага віду спорту. "Ды і наша каманда яшчэ зусім маладая, неспрактыкаваная, таму гэта таксама вопыт", — звярнуў увагу кіраўнік дзяржавы.

Асобна ён спыніўся на матчы Арыны Сабаленка супраць Кока Вандэвеге (беларуска прайграла). Лукашэнка лічыць, што менавіта недахоп вопыту не дазволіў 19-гадовай Сабаленка ўзяць верх над дзясятай ракеткай планеты. "Але ў яе вялікая будучыня, калі яна будзе над сабой працаваць", — упэўнены прэзідэнт.

Беларускі лідар асобна падзякаваў спартыўным функцыянерам за візіт у Мінск. Па словах Лукашэнкі, гэта дазволіла абмеркаваць актуальныя спартыўныя тэмы, а таксама развіццё тэніса. У канцы сустрэчы кіраўніку дзяржавы падаравалі копію Кубка Федэрацыі.    

Стужка навiн
0