Беларускія ксяндзы рыхтуюцца да ЧЕ па міні-футболе сярод духавенства

© Photo : РКЦЧэмпіянат па міні-футболе сярод ксяндзоў
Чэмпіянат па міні-футболе сярод ксяндзоў - Sputnik Беларусь
Падпісацца
Каталіцкія святары з Беларусі не першы раз удзельнічаюць у прэстыжных футбольных турнірах, некалькі гадоў таму спаборніцтвы прайшлі на мінскіх пляцоўках.

МІНСК, 16 сту — Sputnik. Святары Гродзенскай каталіцкай епархіі будуць прадстаўляць Беларусь на чэмпіянаце Еўропы па міні-футболе сярод духавенства, паведамілі ў Рымска-каталіцкай царкве ў Беларусі (РКЦ у РБ).

Мсціслаўль, архіўнае фота 2015 года - Sputnik Беларусь
У Мсціслаўлі збіраюць сродкі на аднаўленне былога касцёла

Еўрапейскі чэмпіянат пройдзе на поўначы Італіі ў горадзе Брэшыа 5-8 лютага. Пра свой удзел заявілі больш за 16 каманд каталіцкіх святароў з еўрапейскіх краін. Плануецца, што ўсяго ў спаборніцтвах прыме ўдзел больш за 250 святароў.

"У гэтым годзе ад Беларусі на ЧЕ паедуць святары з Гродзенскай вобласці — каманда ў складзе 15 ігракоў", — паведамілі Sputnik у аўторак у РКЦ у РБ.

Па словах суразмоўцаў агенцтва, згодна з праведзеным лёсаваннем, беларуская зборная выступіць у групе С. У гэтую групу трапілі каманды Польшчы, Чэхіі і Аўстрыі.

У РКЦ у РБ адзначылі, што каманда працягвае інтэнсіўныя трэніроўкі — з пачатку восені яна рыхтуецца на спартыўнай базе ў Лідзе.

Беларускія святары з'яўляюцца рэгулярнымі ўдзельнікамі еўрапейскіх спаборніцтваў па міні-футболе. Так, у 2015 годзе яны ўвайшлі ў топ-10 ЧЕ ў Аўстрыі па гэтаму віду спорта.

Нагадаем, што ў 2014 годзе чэмпіянат Еўропы па міні-футболе праходзіў у Беларусі. Тады ў складзе каманды гуляў мітрапаліт Мінска-Магілёўскі арцыбіскуп Тадэвуш Кандрусевіч, яго экселенцыя на поле носіць майку з №1.

Стужка навiн
0