Пераможца Мінскага паўмарафона Ляховіч папалася на допінгу

© Sputnik / Виктор ТолочкоМінскі паўмарафон
Мінскі паўмарафон - Sputnik Беларусь
Падпісацца
Вынікі бягунні, якая выступае за Беларусь, будуць ануляваныя за перыяд з 27 чэрвеня 2012 года па 10 красавіка 2016-га.

МІНСК, 18 сту — Sputnik. Спартсменка Людміла Ляховіч (Каваленка) дыскваліфікаваная на два гады за парушэнне антыдопінгавых правілаў, паведамляецца на сайце Беларускай федэрацыі лёгкай атлетыкі.

Дзевятоўскі пра паўмарафон: нікога на старт сілком не заганялі - Sputnik Беларусь
Відэа
Дзевятоўскі пра паўмарафон: нікога на старт сілком не заганялі

Па дадзеных БФЛА, спартсменку дыскваліфікавалі з-за парушэння антыдопінгавых правілаў у перыяд з 11 снежня 2010 года па 11 красавіка 2014- га (абнармальныя паказчыкі біялагічнага пашпарта).

"Рашэннем дысцыплінарнай камісіі Грамадскага аб'яднання "Беларуская федэрацыя лёгкай атлетыкі" Людміла Ляховіч (Каваленка) дыскваліфікаваная тэрмінам на 2 гады з 31 кастрычніка 2017 года па 30 кастрычніка 2019 года", — гаворыцца ў паведамленні БФЛА.

Акрамя таго, вынікі бягунні за перыяд з 27 чэрвеня 2012 года па 10 красавіка 2016-га года будуць ануляваныя.

Людміла Ляховіч да 2014-га выступала за Украіну, а з 2017 года атрымала права прадстаўляць Беларусь. У складзе зборнай рэспублікі яна стала ўладальніцай залатога медаля ў камандным заліку Кубка Еўропы ў бегу на 10 тысяч метраў. Акрамя таго, спартсменка стала пераможцай Мінскага паўмарафона ў 2017 годзе, пераадолеўшы дыстанцыю ў 21,1 кіламетра. Прызавы фонд спаборніцтваў склаў амаль 27 тысяч долараў.

Стужка навiн
0