Мірны выйграў 51-й чэмпіёнскі тытул у парным разрадзе

© AP / Seth WenigТэнісісты Максім Мірны (Беларусь) і Філіп Освальд (Аўстрыя) у фінале турніру ў Нью-Ёрку
Тэнісісты Максім Мірны (Беларусь) і Філіп Освальд (Аўстрыя) у фінале турніру ў Нью-Ёрку - Sputnik Беларусь
Падпісацца
Гэты фінал стаў для 40-гадовага Мірнага сотым у прафесійнай кар'еры.

МІНСК, 19 лют — Sputnik. Беларускі тэнісіст Максім Мірны атрымаў перамогу ў сваім 100-м фінале турніру ATP і заваяваў 51-ы тытул у парным разрадзе, паведамляе Sputnik.

Дар'я Домрачава - Sputnik Беларусь
Дар'я Домрачава заваявала срэбра ў мас-старце, золата ў Кузьміной

Напярэдадні ў Нью-Ёрку (ЗША) адбыўся фінал парнага разраду турніру катэгорыі ATP World Tour 250 з прызавым фондам больш за 748 тысяч долараў.

У вырашальным паядынку беларусу, які выступае ў пары з аўстрыйцам Філіпам Освальдам, супрацьстаяў інтэрнацыянальны тандэм Арцём Сітак (Новая Зеландыя) / Уэслі Колхаф (Галандыя). Паядынак завяршыўся з лікам 6:4, 4:6, 10:6 на карысць беларуска-аўстрыйскага дуэта.

Гэты фінал стаў для 40-гадовага Мірнага сотым у прафесійнай кар'еры (96 у парным разрадзе і чатыры ў адзіночным). У парных разрадах беларус заваяваў 51 тытул, у адзіночным — адзін.

Раней экс-капітан мужчынскай зборнай па тэнісе Уладзімір Ваўчкоў заявіў, што цяперашні сезон можа стаць для Мірнага апошнім. Аднак пазней словы Ваўчкова абверг бацька тэнісіста Мікалай, адзначыўшы, што яго сын працягне выступаць "для сваёй сям'і і заўзятараў".

Стужка навiн
0