Сабаленка выйшла ў другі раўнд турніра ў Маямі

© Sputnik / Виктор ТолочкоБеларуская тэнісістка Арына Сабаленка
Беларуская тэнісістка Арына Сабаленка - Sputnik Беларусь
Падпісацца
Беларускія тэнісісткі ўдала стартавалі ў турніры, іх наступнымі саперніцамі стануць спартсменкі з першай трыццаткі сусветнага рэйтынгу.

МІНСК, 22 сак — Sputnik. Беларуская тэнісістка Арына Сабаленка (№60 у рэйтынгу WTA) выйшла ў другі раўнд Miami Open, паведамляе Sputnik.

Беларуская тэнісістка Аляксандра Сасновіч - Sputnik Беларусь
Аляксандра Сасновіч выйшла ў другі круг тэніснага турніру ў Маямі

У першым крузе спаборніцтваў прадстаўніца Беларусі сустракалася з амерыканскай спартсменкай Мэдысан Брэнгл (77). Сабаленка была мацней — 6:1, 6:4. У 1/32 фіналу беларуска згуляе супраць чэшскай тэнісісткі Петры Квітавай (9).

Раней першы раўнд турніра ў Маямі пераадолела Вікторыя Азаранка (186). Яна была мацней за прадстаўніцу ЗША Кэтрын Беліс (44). Наступнай саперніцай экс-першай ракеткі свету стане амерыканка Мэдысан Кіз (15). Нагадаем, Азаранка тройчы была пераможцай Miami Open (2009, 2011 і 2016 гады).

Яшчэ адна беларуска Аляксандра Сасновіч (46) таксама ўдала стартавала ў Маямі. За выхад у 1/16 фіналу яна пазмагаецца з расіянкай Анастасіяй Паўлючэнкавай (25).

Стужка навiн
0