МІНСК, 5 кра — Sputnik. Амаль трэць жаночага насельніцтва Беларусі ўдзяляе час заняткам фізкультурай і спортам, паведаміў Нацыянальны статыстычны камітэт рэспублікі.
Гэты паказчык істотна павялічыўся з 2010 года: тады толькі 22,5% жанчын займалася спортам, але да пачатку 2017 года іх было ўжо амаль 28%. Сярод мужчын гэты паказчык рос не так заўважна — з 23,5% на пачатак 2010 года да 26,2% на пачатак мінулага.
Большасць уцягнутых у заняткі спортам чалавек жыве ў гарадах: сярод гараджан спартсменаў-аматараў звыш 30%, а сярод сельскіх жыхароў — крыху больш за 17%.
Амаль палова з тых людзей, якія вядуць здаровы лад жыцця, яшчэ не дасягнулі 30 гадоў. Але гэта не значыць, што старэйшая ўзроставая катэгорыя не надае ўвагу спорту. Нават сярод беларусаў, якім больш за 60 гадоў, амаль кожны пяты надае час заняткам фізічнай культурай.
Паводле звестак Белстата, не ўсе беларусы поўнасцю задаволены сваім самаадчуваннем. Толькі 27,6% жыхароў рэспублікі ва ўзросце старэй за 16 гадоў ацэньвалі стан свайго здароўя як "добры", яшчэ 62,8% — як "здавальняючы".
Сусветны дзень здароўя штогод адзначаецца 7 красавіка. У гэты дзень у 1948 годзе была створана Сусветная арганізацыя аховы здароўя.
