Агент Марадоны расказаў Sputnik пра перамовы з ФК "Дынама-Брэст"

© AFP 2024 / KARIM SAHIBДыега Марадона, архіўнае фота
Дыега Марадона, архіўнае фота - Sputnik Беларусь
Падпісацца
Канчатковы адказ аб магчымасці заключэння легендарным футбалістам кантракту з "Дынама-Брэст" Стэфана Сэсі паабяцаў даць Sputnik праз некалькі дзён.

МІНСК, 15 мая — Sputnik. Агент легендарнага футбаліста і трэнера Дыега Марадоны пацвердзіў факт перамоваў з брэсцкім футбольным клубам "Дынама".

Афіцыйнае лёсаванне чэмпіянату свету па футболе 2018 - Sputnik Беларусь
Агент Марадоны пацвердзіў правядзенне перамоваў з ФК "Дынама Брэст"

Спартыўныя СМІ паведамілі аб магчымым працаўладкаванні легендарнага футбаліста Марадоны трэнерам футбольнага клуба "Дынама-Брэст" у мінулыя выхадныя. Меркавалася, што ў панядзелак у Эміратах адбудуцца перамовы па гэтым пытанні, аднак канчатковага рашэння да гэтага часу няма. У Беларусі ў магчымасць "прышэсця Дыега" ў Брэст не вераць, але ў сацсетках актыўна жартуюць пра магчымасць брэсцкай кар'еры Марадоны.

Канчатковы адказ — праз некалькі дзён

Sputnik звязаўся з агентам Марадоны і задаў пытанне пра перспектывы заключэння кантракта з беларускім футбольным клубам.

"Я змагу адказаць толькі праз некалькі дзён. Усё яшчэ ёсць шмат рэчаў, якія трэба вырашыць з кіраўніцтвам Брэста", — заявіў Sputnik Стэфана Сэсі.

Зараз, адзначыў прадстаўнік легендарнага спартсмена, Марадона вылятае ў Венесуэлу. Пасля вяртання ён паабяцаў пракаментаваць пытанне Sputnik "з задавальненнем".

© Photo : ilmediano.itСтэфана Сэсі
Стефано Сеси - Sputnik Беларусь
Стэфана Сэсі

Барацьба за легенду

Як паведамляе іспанскі партал sport.es са спасылкай на свае крыніцы, Марадона ўжо даў "прынцыповую згоду" на працу трэнерам у "Дынама-Брэст".

Адвакат футбаліста Маціяс Морлі таксама выказаў здагадку ў размове з выданнем, што "ўмацоўваць" клуб будзе не толькі Марадона, але і іншыя "падмацаванні" — каб "падвергнуць сумневу гегемонію БАТЭ".

У той жа час газета Clarin паведамляла пра тое, што запрашэнні Марадона атрымліваў таксама ад іншых дзяржаў, у тым ліку Кувейта. Сярод фактараў, якія разглядаліся, нават кліматычны, бо пасля апошніх сямі гадоў жыцця ў ААЭ беларускія зімы могуць здацца Марадоне занадта суровымі.

Што за "Дынама-Брэст" і адкуль грошы на Марадону?

Клуб быў заснаваны ў 1960-м пад назвай "Спартак", у 1972-м яго перайменавалі ў "Буг", у 1976-м ФК атрымаў назву "Дынама". Вышэйшае месца ў Чэмпіянаце Беларусі для каманды — трэцяе ў 1992 годзе. Толькі праз чвэрць стагоддзя, у 2017-м, каманда змагла наблізіцца да рэкорднага выніку — заняць чацвёртае месца.

© Sputnik / Виктор ТолочкоСуперкубак Беларусі па футболе БАТЭ - "Дынама-Брэст"
Суперкубок Беларуси по футболу БАТЭ – Динамо-Брест - Sputnik Беларусь
Суперкубак Беларусі па футболе БАТЭ - "Дынама-Брэст"

Два гады таму партнёрам клуба стаў шэйх Поль Даэр — уладальнік кампаніі "Sohra Overseas". Падтрымкай клуба, па розных звестках, з'яўляецца і адзін з беларускіх бізнесменаў — з ліку самых паспяховых прадпрымальнікаў краіны. Як заявілі ў прэс-службе брэсцкага "Дынама", шэйх Поль Даэр акцыянерам клуба па стане на май 2018-га больш не з'яўляецца — ён прадаў акцыі яшчэ ў 2017-м. Зрэшты, імя новага ўладальніка не раскрываецца.

Чым мог бы Марадона дапамагчы "Дынама"?

Аднаму з самых вядомых у свеце футбалістаў 57 гадоў, трэнерскую дзейнасць ён пачаў яшчэ ў 1994 годзе — з клуба "Мандыя". Праз некаторы час Марадона аб'яўляў аб завяршэнні кар'еры, аднак нават пасля сардэчнага прыступу працаваў з футбольнымі клубамі — калі не трэнерам, то як член праўлення.

З 2011 года Марадона стаў трэнерам эмірацкага клуба "Аль-Васл", аднак камандай быў незадаволены: скардзіўся на тое, што яна складаецца са студэнтаў і паліцэйскіх, якія нават у трэніроўках не могуць удзельнічаць.

Былі ў яго і канфлікты з суддзямі, а El Pais у 2013-м так ахарактарызавала яго працу: "Асноўная праца Дыега на мясцовых чэмпіянатах заключалася, перш за ўсё, у запалохванні арбітраў, а не ў навучанні каманды манерам гульні. Яго праца мала каму запомнілася".

Ганарар Марадоны ў ААЭ, дарэчы, у агульнай суме склаў каля 34 мільёнаў долараў. Пазней Марадону з клуба звольнілі — за дрэнныя вынікі.

У 2017 годзе Марадону нанялі ў іншы арабскі клуб — "Аль-Фуджайра". Аднак аргентынец і там не прынёс чаканых трэнерскіх вынікаў, за што і быў звольнены ў канцы красавіка 2018-га. Цалкам магчыма, што наступным месцам працы стане менавіта "Дынама-Брэст", у якім Марадона пакажа іншыя вынікі.

Стужка навiн
0