МІНСК, 15 мая — Sputnik. Былы нападаючы зборнай Аргенціны па футболе Дыега Марадона стаў старшынёй праўлення брэсцкага футбольнага клуба "Дынама", паведаміў ФК на сваёй старонцы ў Twitter.
Раней шэраг СМІ перадаваў, што кіраўніцтва берасцейцаў вядзе перамовы з Марадонам: 57-гадовы аргентынец павінен быў стаць галоўным трэнерам каманды, змяніўшы на гэтай пасадзе чэха Радаслава Латала.
📷 Исторические фото! #fcdb1960 pic.twitter.com/g5uPDijrUW
— FC Dynamo Brest (@dynamobrest) 15 мая 2018 г.
Як стала вядома ў аўторак, Марадона зоймецца пытаннямі стратэгічнага развіцця клуба. Легендарны футбаліст будзе ўзаемадзейнічаць з усімі структурнымі падраздзяленнямі ФК, уключаючы дзіцячую акадэмію "Дынама-Брэст".
"Марадона прыступіць да сваіх паўнамоцтваў пасля заканчэння Чэмпіянату свету ў Расіі", — паведамілі ў клубе.
Раней у гэты ж дзень ФК размясціў аб'яву аб пошуку іспанамоўных кіроўцы і прыбіральшчыцы для дома.
Цяпер "Дынама" рыхтуецца да фінальнага паядынку Кубка Беларусі супраць Барысаўскага БАТЭ. Матч адбудзецца ў суботу, 19 мая, на стадыёне "Спартак" у Магілёве.
У чэмпіянаце краіны брастаўчане ідуць на восьмым месцы з дзевяццю набранымі ачкамі.
