19:49 18 кастрычніка 2018
«Радыё Sputnik»
  • USD2.11
  • EUR2.43
  • 100 RUB3.22
Міністр спорту і турызму Беларусі Сяргей Кавальчук

Міністр спорту пра прыезд Марадоны: не думаю, што ён нешта зменіць

© Фото: Министерство спорта и туризма РБ
Спорт
Атрымаць кароткую спасылку
Дыега Марадона ў "Дынама-Брэст" (13)
3510

Чыноўнік адзначыў, што аргентынец не зможа "глыбока" змяніць сітуацыю ў беларускім футболе.

МІНСК, 18 мая — Sputnik. Міністр спорту і турызму Беларусі Сяргей Кавальчук скептычна выказаўся наконт пераезду вядомага футбаліста Дыега Марадоны ў Беларусь.

На днях стала вядома, што экс-футбаліст зборнай Аргенціны па футболе Дыега Марадона стаў старшынёй праўлення брэсцкага футбольнага клуба "Дынама". Кантракт разлічаны на тры гады. Легендарны нападаючы будзе займацца пытаннямі стратэгічнага развіцця клуба, а таксама ўзаемадзейнічаць з усімі яго структурнымі падраздзяленнямі, уключаючы дзіцячую акадэмію "Дынама-Брэст".

"Сёння гавораць пра Дыега Марадону як пра магчымага спецыяліста, які нешта прыўнясе ў беларускі футбол. Я не думаю, што ён глыбока нешта зменіць тут", — заявіў Сяргей Кавальчук у эфіры тэлеканала "Беларусь 1" у чацвер.

Разам з тым міністр лічыць "добрым і мудрым" рашэннем запрашэнне футбаліста ў Брэст.

"Але ўжо тое, што лепшы футбаліст, як кажуць, 20 стагоддзя, і ён асацыіруецца з горадам Брэстам — добрае, мудрае рашэнне. Чым больш такіх спецыялістаў будзе далучана да нашага спорту, тым большай будзе папулярызацыя гэтага спорту, любімага ва ўсім свеце", — дадаў Кавальчук.

Прадстаўленне Марадоны ў якасці кіраўніка праўлення брэсцкага "Дынама" адбудзецца ў Абу-Дабі 22 мая. У Брэст аргентынец прыедзе пасля Чэмпіянату свету па футболе ў Расіі.

Тэмы:
Дыега Марадона ў "Дынама-Брэст" (13)
Тэги:
футбол, ФК "Дынама" (Брэст), Міністэрства спорту і турызму РБ, Сяргей Кавальчук, Беларусь
Правілы карыстанняКаментары

Галоўныя тэмы