12:53 11 снежня 2018
«Радыё Sputnik»
  • USD2.12
  • EUR2.42
  • 100 RUB3.20
Заўзятары барысаўскага БАТЭ, архіўнае фота

БАТЭ абыграў мінскае "Дынама" ў чэмпіянаце Беларусі

© Sputnik / Виктор Толочко
Спорт
Атрымаць кароткую спасылку
1710

Матчы паміж мінскім "Дынама" і барысаўскім БАТЭ называюць беларускім "класіко" па аналогіі з суперніцтвам "Барселоны" і "Рэала".

МІНСК, 24 мая — Sputnik. Футбалісты барысаўскага БАТЭ з лікам 1:0 перамаглі ў гасцях свайго асноўнага суперніка — мінскае "Дынама" — і адарваліся ад яго на 7 ачкоў.

Матч 8-га тура чэмпіянату Беларусі прайшоў 23 мая на мінскім стадыёне "Трактар". Адзіны гол на 74-й хвіліне матчу забіў серб Мірка Іваніч.

Такім чынам, пасля 8-га матчу беларускага чэмпіянату БАТЭ мае на сваім рахунку 24 балы і займае першае месца ў турнірнай табліцы. Акрамя таго, "жоўта-сінія" атрымалі 8 перамог запар і не пацярпелі ніводнага паражэння ў бягучым сезоне, што склала клубны рэкорд па колькасці перамог у цяперашнім чэмпіянаце краіны.

Мінскае "Дынама" займае другі радок табліцы — на іх рахунку ўсяго 17 балаў.

Замыкае тройку "Слуцк" з 15 ачкамі ў актыве.

Гульні мінскага "Дынама" і барысаўскага БАТЭ называюць беларускім "класіко" па аналогіі з суперніцтвам "Барселоны" і "Рэала". Перад гульнёй у 8-м туры БАТЭ знаходзілася на першым месцы (21 бал, 7 перамог), "Дынама" — на другім (17 балаў, 5 перамог, дзве нічыі).

Сустрэча сталічнай і барысаўскай каманд сабрала на стадыёне 10 800 чалавек — гэта рэкорд сезона.

Другое месца па колькасці гледачоў у восьмым туры заняла гульня "Віцебск" — "Тарпеда-БелАЗ" (2150 чалавек), трэцяе — "Слуцк" — "Дынама-Брэст" (1790 чалавек).

Тэги:
футбол, Чэмпіянат Беларусі па футболе, ФК Дынама (Мінск), ФК "БАТЭ", Беларусь

Галоўныя тэмы