МІНСК, 3 ліп — Sputnik. Вікторыя Азаранка прабілася ў другі круг Уімблдонскага турніру з прызавым фондам 21,96 мільёнаў долараў.
Беларуская тэнісістка на старце турніру здолела ў двух сэтах атрымаць верх над расіянкай Кацярынай Аляксандравай з лікам 7:6, 6:3. У ходзе гульні Вікторыя Азаранка двойчы падала, прычым першы раз на сваё традыцыйна праблемнае правае калена. Пасля медыцынскага агляду яна працягнула гульню.
Былая першая ракетка свету з Беларусі зараз займае 87-ы радок рэйтынгу WTA, а яе саперніца, якая жыве і трэніруецца ў Чэхіі, але выступае пад расійскім сцягам знаходзіцца на 110 месцы.
Наступнай саперніцай Вікторыі Азаранкі стане чэшская тэнісістка Караліна Плішкава, якая ў рэйтынгу WTA размясцілася на 8-ым месцы.
