03:23 15 лістапада 2018
«Радыё Sputnik»
  • USD2.15
  • EUR2.43
  • 100 RUB3.16
Анастасіі Пракапенка ўручылі бронзавы медаль Пекіна-2008

Беларусцы Анастасіі Пракапенка ўручылі заслужаную бронзу Пекіна-2008

© Photo: НОК Беларуси
Спорт
Атрымаць кароткую спасылку
1210

Беларуская пяціборка атрымала статус прызёра Алімпійскіх гульняў пасля таго, як у аналізах ўкраінскай спартсменкі, якая заваявала ў Пекіне бронзу, знайшлі забароненае рэчыва.

МІНСК, 14 вер - Sputnik. Беларускай спартсменцы Анастасіі Пракапенка ўручылі бронзавы медаль XXIX Алімпійскіх гульняў, якія ў 2008 годзе праходзілі ў Пекіне.

Урачыстая цырымонія ўручэння ўзнагароды адбылася ў Мехіка, дзе ў цяперашні час працягваецца чэмпіянат свету па сучасным пяцібор'і, паведамілі ў прэс-службе Нацыянальнага алімпійскага камітэта.

У Пекіне Пракапенка стала чацвёртай. Прызавое трэцяе месца і медаль дасталіся ўкраінскай спартсменцы Вікторыі Церашчук, аднак у ходзе пераправеркі пробаў удзельнікаў Алімпійскіх гульняў у Пекіне-2008 і Лондане-2012 у аналізах ўкраінскай спартсменкі знайшлі забароненае рэчыва турынабол.

Па рашэнні Міжнароднага алімпійскага камітэта яе бронзавы медаль Пекіна-2008 перайшоў Пракапенка.

Напярэдадні Пракапенка заваявала залаты медаль на Чэмпіянаце свету па сучасным пяцібор'і ў асабістым першынстве. Яна стала лепшай, набраўшы ў суме 1346 ачкоў. А раней у рамках гэтых спаборніцтваў спартсменка атрымала золата ў эстафеце - абыйшла саперніц у пары з Ірынай Прасянцовай.

З улікам бронзы Пракапенка беларуская каманда на гульнях у Пекіне заваявала 14 медалёў: 3 залатыя, 4 срэбраныя і 7 бронзавых.

Тэги:
Беларусь, Пекін, Алімпійскія гульні, Спорт
Правілы карыстанняКаментары

Галоўныя тэмы