Знарок можа ўзначаліць хакейнае "Дынама-Мінск"

© Sputnik / Александр ГальперинХакейны трэнер Алег Знарок
Хакейны трэнер Алег Знарок - Sputnik Беларусь
Падпісацца
Справы ў мінчан у КХЛ ідуць не самым лепшым чынам: пасля шасці матчаў каманда набрала ўсяго два ачкі і займае апошняе месца на Захадзе.

МІНСК, 17 вер — Sputnik. Былы галоўны трэнер зборнай Расіі па хакеі Алег Знарок можа ўзначаліць мінскае "Дынама", піша belarushoсkey.com.

Хакеісты Дынама-Мінск перад гульнёй - Sputnik Беларусь
Мінскае "Дынама" прайграла пятую гульню ў КХЛ

Чуткі аб сыходзе цяперашняга настаўніка "зуброў" Гордзі Дуайера з'явіліся на мінулым тыдні, перад першым хатнім матчам мінчан у КХЛ. Тады СМІ пісалі, што канадскі спецыяліст можа пакінуць каманду, калі яна не зможа набраць ачкоў у гульні супраць "Ёкерыта" (1:4). Затым "бела-сінія" выйгралі ў маскоўскага "Спартака" (3:1) і прайгралі "Сочы" (1:3).

Зараз "Дынама-Мінск" пасля шасці гульняў з двума набранымі баламі займае апошняе месца ў Заходняй канферэнцыі. Каманду па-ранейшаму ўзначальвае Дуайер.

Змяніць канадца гатовы Знарок, які ў цяперашні час знаходзіцца без працы. Нагадаем, ён сумяшчаў працу ў зборнай Расіі і СКА. Але ў гэтым годзе прыняў рашэнне сысці з пасадаў.

Разам з тым у прэс-службе мінчан сцвярджаюць, што дадзеная інфармацыя не мае пад сабой ніякай падставы.

Знарок выйграў тры Кубкі Гагарына (два з маскоўскім "Дынама" і адзін са СКА), Чэмпіянат свету-2014 і Алімпіяду-2018 са зборнай Расіі.

Мінскае "Дынама" заўтра пачынае сваю чарговую выязную серыю. Першы матч супраць яраслаўскага "Лакаматыва".

Стужка навiн
0