00:15 15 снежня 2018
«Радыё Sputnik»
  • USD2.12
  • EUR2.40
  • 100 RUB3.19
Тэнісістка Арына Сабаленка

Арына Сабаленка згуляе ў фінале тэніснага турніру ва Ухане

© REUTERS / Geoff Burke
Спорт
Атрымаць кароткую спасылку
1110

У паўфінале беларуская тэнісістка абыграла аўстралійку Эшлі Барці, у фінале Арына Сабаленка сустрэцца на корце з эстонкай Анет Кантавейт.

МІНСК, 28 вер — Sputnik. Беларуская тэнісістка Арына Сабаленка абыграла аўстралійку Эшлі Барці і выйшла ў фінал турніру ў кітайскім Ухане, перадае Sputnik.

Выступ Сабаленка на турніры ўжо можна назваць паспяховым. На шляху да фіналу беларуска абыграла 22-і нумар сусветнага рэйтынгу іспанку Карлу Суарэс Навара, якая займае шосты радок у рэйтынгу WTA, украінку Эліну Світоліну, амерыканку Сафію Кенін (62-і нумар) і спартсменку з Славакіі Дамініку Цыбулкаву (31-ы нумар). Да таго ж, па выніках галасавання на афіцыйным сайце, WTA назвала Арыну Сабаленка "прарывам месяца" пасля паспяховага выступлення беларускі на Адкрытым чэмпіянаце ЗША (US Open).

У паўфінале Арына Сабаленка сустрэлася на корце з аўстралійскай тэнісісткай Эшлі Барці. У двух сэтах беларуска абыграла аўстралійку з лікам 7:6 (7:2), 6:4. Матч быў няпростым для беларускай спартсменкі: у першым сэце Сабаленка прайгравала з лікам 5:4, але змагла пераламаць гульню.

У фінале беларуская тэнісістка згуляе з 27-й ракеткай свету эстонкай Анет Кантавейт. Чакаецца, што матч паміж імі будзе напружаным, паколькі абедзве спартсменкі вядомыя сваім сталёвым характарам. Фінальны паядынак адбудзецца 29 верасня і пачнецца не раней 14:00.

Міжнародны тэнісны турнір "Адкрыты чэмпіянат Уханя" традыцыйна праходзіць увосень у аднайменным кітайскім горадзе. З 2014 года ён ставіцца да серыі турніраў WTA. У гэтым годзе прызавы фонд турніру складае больш за 2,7 мільёна долараў.

Тэги:
Тэніс, Арына Сабаленка, Кітай

Галоўныя тэмы