У Сабаленка з'явіўся невялікі шанец патрапіць на Выніковы турнір WTA

© AFP 2024 / FRED DUFOURБеларуская тэнісістка Арына Сабаленка
Беларуская тэнісістка Арына Сабаленка - Sputnik Беларусь
Падпісацца
Калі хтосьці з топ-8 не зможа прыняць удзел у турніры, то ў Сінгапур паедзе беларуска.

МІНСК, 18 кас - Sputnik. Першая ракетка Беларусі Арына Сабаленка з'яўляецца першай запасной на ўдзел у выніковым турніры WTA у Сінгапуры, паведамляе Sputnik.

Тэнісная ракетка, архіўнае фота - Sputnik Беларусь
Кубак Крамля: Мірны і Освальд прабіліся ў 1/4

Першая ракетка свету румынка Сімона Халеп знялася са спаборніцтваў з-за праблем са здароўем - у спартсменкі была выяўлена міжпазваночная грыжа. 27-гадовая тэнісістка не змагла прыняць удзел у Кубку Крамля, а да гэтага - не завяршыла матч першага круга China Open.

Халеп на выніковым турніры заменіць галандка Кікі Бертэнс, якая займае дзясятае месца ў сусветным рэйтынгу.

Сабаленка размяшчаецца на 15-м радку рэйтынгу, а ў чэмпіёнскай гонцы WTA на дзясятай услед за Бертенс. Такім чынам, беларуска - першая запасная на Выніковы турнір. Але ў чэмпіёнскай гонцы яе могуць абыйсці Анастасія Севастава (Латвія) і Дар'я Касаткіна (Расія).

Выніковы турнір WTA пройдзе ў Сінгапуры з 21 па 28 кастрычніка. Акрамя Бертэнс на турніры выступяць немка Ангеліка Кербер, японка Наомі Осака, чэшкі Петра Квітава і Караліна Плішкава, датчанка Караліна Вазняцкі, амерыканка Слоан Стывенс, украінка Эліна Світоліна.

Лёсаванне спаборніцтваў пройдзе 19 кастрычніка.

Стужка навiн
0