16:36 18 снежня 2018
«Радыё Sputnik»
  • USD2.13
  • EUR2.41
  • 100 RUB3.18
Матч Лігі нацый УЕФА Люксембург - Беларусь

Ліга нацый: Беларусь выйграла матч жыцця ў Люксембурга

© Photo: Twitter / АБФФ
Спорт
Атрымаць кароткую спасылку
11 0 0

Беларускія футбалісты выйшлі на першае месца ў групе і захавалі шанцы на плэй-оф Лігі нацый.

МІНСК, 16 ліс - Sputnik. Нацыянальная зборная Беларусі па футболе перамагла каманду Люксембурга ў групавым раўндзе Лігі нацый УЕФА, паведамляе Sputnik.

Паядынак адбыўся на стадыёне "Жозі Бартэль" у Люксембургу. Сустрэча завяршылася з лікам 2:0 на карысць гасцей. Лік у матчы на 37-й хвіліне адкрыў Станіслаў Драгун з перадачы Антона Сарокі. А на 54-й хвіліне Драгун аформіў дубль.

​Настаўнік беларускай зборнай Ігар Крывушэнка, падводзячы вынікі матча, адзначыў, што на самой справе яго падапечныя маглі рэалізаваць больш галявых момантаў, асабліва ў першым тайме. Другую палову гульні, па словах трэнера, супернік стараўся контратакаваць, але сур'ёзных момантаў так і не арганізаваў.

"Хачу павіншаваць рабят з гэтай перамогай, усіх нашых заўзятараў, хто верыў у нас, падтрымліваў", - цытуе словы Крывушэнкі АБФФ.

У паралельным матчы групы 2 дывізіёна D Малдова ў гасцях нанесла паражэнне камандзе Сан-Марына - 1:0. Перамогу малдаванам прынёс Віталіе Дамашкан.

Пасля выязной перамогі Беларусь паднялася на першае месца ў групе 2 дывізіёна D - 11 ачкоў. Другі радок належыць Люксембургу з дзевяццю баламі. Малдаване размясціліся на трэцяй пазіцыі, набраўшы восем ачкоў у пяці матчах. Сан-Марына замыкае квартэт - каманда з нулём у графе "ачкі".

Наступны матч зборная Беларусі правядзе ў нядзелю, 18 лістапада, у гасцях у Сан-Марына. У гэты ж дзень Малдова прыме на сваім полі люксембуржцаў.

Каб працягнуць барацьбу за пуцёўку на Еўра-2020 Беларусі неабходна згуляць унічыю.

Sputnik вёў анлайн-трансляцыю матчу Люксембург - Беларусь.

Тэги:
Ліга нацый, Зборная Беларусі па футболе, Футбол

Галоўныя тэмы