Бачарнікава адправілі на Кубак IBU, і ён там стаў трэцім

© AFP 2024 / FRANCOIS-XAVIER MARITБачарнікава адправілі на Кубак IBU, і ён там стаў трэцім
Бачарнікава адправілі на Кубак IBU, і ён там стаў трэцім - Sputnik Беларусь
Падпісацца
Беларус прайграў пераможцу гонкі французу Сімону Фуркаду больш за дзве хвіліны і ўсё роўна выйграў бронзу ў "індывідуалцы".

МІНСК, 19 сне - Sputnik. Беларускі біятланіст Сяргей Бачарнікаў заняў трэцяе месца на трэцім этапе Кубка IBU ў аўстрыйскім Аберціліахе, паведамляе Sputnik.

IBU дазволіў Алене Кручынкінай выступаць за Беларусь - Sputnik Беларусь
IBU дазволіў Алене Кручынкінай выступаць за Беларусь

Сёння ў Аберціліахе стартаваў трэці этап Кубка IBU. Праграму спаборніцтваў адкрыла мужчынская індывідуальная гонка (20 км). Першым да фінішу прыйшоў француз Сімон Фуркад з вынікам 50 хвілін 1,9 секунды (0 промахаў). Другая ступень п'едэстала дасталася прадстаўніку Нарвегіі Сіверту Бакену, які прамахнуўся адзін раз і прайграў пераможцу 59 секунд. Бронза ў беларуса Сяргея Бачарнікава (+2 хвіліны 18,3 секунды; 1 промах).

У гонцы прынялі ўдзел таксама Уладзімір Чапелін і Максім Варабей - яны занялі 12-е і 21-е месца адпаведна.

Пазней на старт выйдуць жанчыны. Беларусь у "індывідуалцы" прадставяць Дар'я Юркевіч, Іна Касцючэнка, Арына Яборава і Ганна Мусатава. Пачатак у 15:30 (па мінскім часе).

Трэнерскі штаб беларускай зборнай прыняў рашэнне адправіць Бачарнікава і Чапеліна на Кубак IBU. А ў асноўную каманду выклік атрымаў Дзмітрый Лазоўскі, які выступіць на трэцім этапе Кубка свету, які стартуе заўтра ў чэшскім Нове-Места.

Дарэчы, гэта другі медаль беларускіх біятланістаў на Кубку IBU. На першым этапе ў шведскім Ідрэ Ірына Кручынкіна стала другой у спрынце.

Стужка навiн
0