МІНСК, 2 сту - Sputnik. Удзельнікі XV Каляднага турніру сярод аматараў хакея на прыз прэзідэнта Беларусі ўжо прыбываюць у рэспубліку, паведамілі ў сераду ў эфіры тэлеканала АНТ.
Чарговы Калядны турнір па хакеі стартуе ў чацвер і працягнецца да 7 студзеня - менавіта на праваслаўныя Каляды прызначаны фінальны паядынак.
Першыя ўдзельнікі турніру ўжо прылятаюць у Мінск. Так, у беларускую сталіцу прыбылі хакеісты з Аб'яднаных Арабскіх Эміратаў, якія занялі на леташнім турніры трэцяе месца.
Ужо 3 студзеня хакеісты з ААЭ выйдуць на лёд супраць зборнай Балкан.
Усяго ў XV Калядным турніры па хакеі ўдзельнічаюць 12 зборных. Бясспрэчны лідар па колькасці перамог - каманда прэзідэнта Беларусі, якая атрымлівала перамогу 11 разоў.
