Арына Сабаленка прайшла ў паўфінальную стадыю кітайскага турніру

© AFP 2024 / STRАрына Сабаленка на турніры ў кітайскім Шэньчжэне
Арына Сабаленка на турніры ў кітайскім Шэньчжэне - Sputnik Беларусь
Падпісацца
У матчы супраць расіянкі Марыі Шарапавай беларусцы дапамагла перамагчы траўма саперніцы.

МІНСК, 4 сту - Sputnik. Беларуская тэнісістка Арына Сабаленка выйшла ў паўфінал кітайскага турніру ў кітайскім Шэньчжэне, абыграўшы расіянку Марыю Шарапаву.

Аляксандра Сасновіч на турніры ў Брысбене - Sputnik Беларусь
Сасновіч не змагла выйсці ў паўфінал тэніснага турніру ў Брысбене

Увесь першы сэт Сабаленка вяла ў ліку, у выніку ўпэўнена абыграўшы саперніцу 6:1. Перад самым стартам другога сэта Шарапава, адчуўшы боль у назе, узяла медыцынскі тайм-аўт. Далей гульня працягнулася, аднак расіянка ўсё ж прыняла рашэнне датэрмінова спыніць сустрэчу, калі лік стаў 4:2 на карысць беларускі.

Цяпер Арына Сабаленка (13-е месца ў рэйтынгу WTA) будзе змагацца за выхад у фінал турніру ў Кітаі. Яе саперніцай стане пераможца супрацьстаяння паміж гаспадыняй корта Ван Яфань (70) і румынкай Монікай Нікулеску (99).

Гульня беларускай тэнісісткі папярэдне пройдзе 5 студзеня ў ранішні па беларускім гадзінным поясе часе.

Стужка навiн
0