Беларускія хакеісты згуляюць з алімпійскай зборнай Расіі ў лютым

Падпісацца
У лютаўскай міжнароднай паўзе беларусы адправяцца ў Славакію на турнір Kaufland Cup.

МІНСК, 19 сту - Sputnik. Нацыянальная зборная Беларусі ў лютым прыме ўдзел у турніры Kaufland Cup у Браціславе, паведамілі ў прэс-службе Федэрацыі хакея Беларусі.

Міжнародны турнір Kaufland Cup пройдзе ў сталіцы Славакіі з 7 па 9 лютага. Разам з беларусамі і славакамі ўдзел у спаборніцтве прыме таксама алімпійская зборная Расіі.

"У стартавым матчы 7 лютага наша каманда пазмагаецца са зборнай Славакіі, а днём пазней - з расіянамі", - распавялі ў ФХБ.

Нагадаем, беларускія хакеісты рыхтуюцца да Чэмпіянату свету ў дывізіёне 1. Беларусы разам з паўднёвакарэйцамі, казахамі, венграмі, славенцамі і літоўцамі пазмагаюцца за пуцёўку ў эліту сусветнага хакея.

Турнір пройдзе ў Астане з 28 красавіка па 5 мая.

Стужка навiн
0